Zaila da Kataluniaren inguruan argudioak ez errepikatzea eta beste batzuek esan ez duten zer edo zer esatea. Baina, aldi berean, ezinezkoa da gertatzen ari den guztiaren aurrean mututzea ere. Beraz, azken boladan buruan darabilkidana partekatuz, fundamentu askorik gabeko hitzetan galduko naiz, sarri galtzea bezalakorik ez baitago bide berriak topatzeko. 

Prozesu luze honetan bada galdera ikur asko, baina ni bereziki batek entretenitu nau asperraldietan. Posible da berrogei milioi herritar dituen estatu bat gobernatzen duen alderdi politikoa, horren baldarra izatea Kataluniaren auzia kudeatzerakoan? Edo, ezkutuko interesak daude gatazkak iraun dezan?

Gogoan dut, Joxe Mari Agirretxek, Arnaldo Otegik eta Laura Mintegik Lasarteko kultur etxean eman zuten hitzaldia. Bertan, Arnaldok esaten zuen estatuaren ahulezia handiena lurraldetasuna zela, erabat egokitu gabeko nazioak biltzen baititu bere baitan. Logika horretan, ondo zetorkion euskal gatazka, Espainia batuta mantentzeko erabiltzen zutelako. Gatazka armatuak nolabaiteko estatu batasuna suposatzen omen zuen, euskal independentistak arerio komun bat bihurtu ginelako.

Borroka armatuaren amaierarekin batera, bestelako gai batzuk hasi ziren nabarmentzen, ekonomia adibidez. Krisialdiak, hainbat ustelkeri kasu bistaratu zituen, eta alderdi popularra bilakatu zen kritika gehienen jomuga. Presidentzia kolokan eduki zuten, baina oposizioaren interes politikoek ez zuten aukera berri bat sortzeko bide eman. Epaitegiz epaitegi zebiltzan bitartean, Katalunian gero eta indar gehiago zuen independentzia goseak, eta hara nola, auzia bideratu ordez, alderdi popularrak gatazka areagotzen lagundu zuela.

Orduan, pentsa liteke datozen estatuko hauteskundeei begira, identitateen arteko borrokan indartsuak sentitzen direlako, arreta gunea Katalunian jarri dutela? Agian baldarkeria politikoa baino harago, kalkulu politikoak daude jarrera guzti hauen atzean? Dagoeneko iragana da Espainiako politikaren ustelkeria. Orain, Estatuaren batasuna dago jokoan.

blog comments powered by Disqus
OHARRAK
  • 62ko kintoen afaria
    Hurrengo larunbatean, hilaren 25ean, Araeta jatetxean 1962 urtean jaiotako kinto afaria egingo dugu. Ordua 9:30tan izango da, baina denok alkarrekin joan gaitezen 20:00etan Patrizio tabernan, 20:30ean Gure Etxean edo 21:00etan Jalgin gelditu gara. 50 euroko ingresoa egiteko 3035 0036 12 0361135678 kontu zenbakia erabili.
  • 66 urteko kintoen afaria
    Azaroak 25ean, El jardin jatetxean 66 urteko kintoen afaria egingo da. Menua 36 euro dira, musika barne. Izena emateko 681 160 548 (Maluixa) telefono zenbakira mezu bat bidali behar da, azaroaren 22a baino lehen.
  • Biyak Baten Gabonetako loteria
    Biyak Bat elkarteak bere bazkideentzat Gabonetako loteria du. Zenbakia 71.580 da. Nahi duenak elkarteko bulegoan izango du eskuragarri 10 eurotan. Azaroaren 30a baino lehen jaso behar da.
  • Biyak Bat Lodosara
    Biyak Bat elkarteko kideak Lodosara doaz, azaroaren 23an. Goizeko 8:00etan aterako dira Lasarte-Oriatik. Pikillo piperren kontserba-enpresa eta ardo bodega bat bisitatuko dituzte. Bazkideek 35 euro ordaindu behar dituzte izena ematerakoan; bazkide ez direnek, aldiz, 40 euro.
  • Txakurra galdu da
    Azaroak 2an, kiroldegi inguruan, txakurra galdu zen. Jai du izena, eta hamar hilabete ditu. Lepoko marroia darama, eta txipa ere badu. Inork ikusi edo aurkituko balu, gurekin harremanetan jartzea eskertuko genuke, ondorengo zenbakian: 688697119. Mila esker.
ZORION AGURRAK
IRATI
Urte askuan prexioxa! Oraindik ez dakizula nola ospatu?Bizkotxoaren zain gaude. Maite zaitugu!
AZKEN PDFa
1400 ( Azaroak 17 )
GUARDIAKO FARMAZIAK
De Miguel ( Astelehena)
Kale Nagusia 32
Tel: 943 371151
ASTEA
    • Lasa ( Asteartea )
      Kale Nagusia 42 atzea
      943 361774
    • Gil ( Asteazkena )
      Kale Nagusia 24
      943 361529
    • Acha-Orbea ( Osteguna )
      Hipodromo etorbidea 6
      943 363549
    • Urbistondo ( Ostirala )
      San Frantzisko 1
      943 366567
    • Lasa ( Larunbata )
      Kale Nagusia 42 atzea
      943 361774
    • Lasa ( Igandea )
      Kale Nagusia 42 atzea
      943 361774
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48