"Lasarten kuadrila gutxik dute aukera esateko badutela lagun bat futboleko lehen mailan jokatzen". Zenbat aldiz errepikatu ote dugun hori barre artean, poteoan. Ondoren hasten gara asteburuko plana egiten, eta oroitzen gara jokalari profesionala izatearen ordainaz: "Ni ez noa kontzertura. Partida dut Badajozen". Eta hurrengo astean solasaldi bera, eta pareko erantzuna: "Nik ezin dut. Gauean lana dut tabernan".

Orain bi ostegun egin genuen joan den asteburuko plana, bagenekien Iraia ez zela gurekin izango, baina desberdina zen oraingoan. Zer eta Iraia Iparragirre gure laguna, herrikidea, Anoetako futbol zelaian jokatzen, Athleticen aurka. Kuadrilla bazkaria aurrena, pankarta tailerra ostean eta Donostiara. Halako zirrara genuen, ezen presaka sartu ginen futbol zelaian. Pankarta zabaldu eta segurtasunekoak: "Zer jartzen du hor?". Eta guk, harro-harro: "Behingoz Anoeta emakumez beteta".

Eta hala zen. Esango nuke zelaian ez ezik, harmailetan ere bazegoela giro bat, entzuten zirela andreen ahotsak inoiz baino ozenago. Inoiz baino neskato gehiago zegoela partidari begira, adi-adi. Eta konturatzerako pasa ziren 90 minutuak, eta a ze nolako euforia, nahiz eta Athleticek 1-4, irabazi. 21.500 izan ginen azkenean. Umeren batek esango zuen handitan Iraia moduko futbolaria izan nahi zuela.

Joan da astebete, eta apaldu da euforia. Bihar Athleticen aurka jokatzen du berriro Errealak. Horra kontraesanak. Aparretatik jaitsita, inor joango al da Lezamara? Anoetan elkartutako 21.500 lagunok gogoratuko al gara astelehenean Iraiak lanera joan beharko duela? Gogoratuko al gara aparteko emakume hauen lan baldintza eskasez? Garaipena izan zen Anoetakoa, baina badago zer hobetu. Jarrai dezala jokoak. 

blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
GORKA ETA UNAI
Zorionak Gorka eta Unai aiton-amonen partetik. Muxu pila bat polit horiek
AZKEN PDFa
1444 ( Abenduak 14 )
GUARDIAKO FARMAZIAK
Orue ( Asteazkena)
Jaizkibel plaza 2
Tel: 943 362652
ASTEA
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Gandarias-Uribe ( Astelehena )
      Iñigo de Loyola 9
      943 019521
    • Gandarias-Uribe ( Asteartea )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48