Uniformazio idelogikoarekin kezkatuta nago aspaldian. Badakit ez dela berria, badakit moralak eta ideologiak beti mugatu dutela pertsona, askea eta bakana izateko bidean, behinik behin. Norbere iritzia emateko beldurrez sentitzen bagara, benetan sinetsi behar dugu demokrazia batean bizi garela? Audientzia Nazionalean gertatzen ari direnak ikusi besterik ez ditugu galdera horri erantzuteko.

Hiru urtetarako gartzeleratu duten raperoa, Carrero Blancoren inguruan txisteren bat egin zuena zigortu zutenekoa, musika talde ezberdinetako abeslarien aurkako epaiak, marrazkilariak… Iritzia delitu bilakatu nahi dute. 

Baina, Audientzia Nazionala ez dago Madrilen bakarrik, jendartean zabalduta ere badago, eta korronte ideologiko ezberdinetan, gainera. Sare sozialetan egosten diren iritziak eta kritikak, erreakzioak eta formak esanguratsuak dira nola jokatzen dugun aztertzeko. Ez dugu iritzia iritziz ezbaidatzen, akusazioz eta etiketaz, baizik. Bestalde, ez gara oso eskuzabalak gu bezala bizi ez direnekin, edo munduari bestelako betaurreko batzuekin begiratzen dietenekin. Ahaztu egiten zaigu ez dela gauza bera Ituren herrian edo Gros auzoan jaiotzea, euskal gatazkaren lubakiaren alde batean zein bestean hazi eta heztea, emakumea edo gizona izatea... Kosta egiten zaigu bestea entzutea eta bere argi zein itzalekin onartzea. 

Txintxarri-rako idazten ditudan artikulu hauetan aukera ederra izaten dut nire zenbait ikuspegi publiko egiteko, baino onartzen dut badirela idaztera ausartzen ez naizen pentsamenduak. Batetik, ez da erraza horren karaktere gutxitan idea bat ondo azaltzea, gaizki ulertuei tarterik utzi gabe, baina batez ere, ondoren letorkenaren beldurra da isilarazi izan nauena.  

Ez dakit ausartuko naizen, ez dakit uste ditudan guztiak esateko prest nagoen... Baina, gero eta behar gehiago sentitzen dut konplejurik gabe azaltzeko nire burua herriko plazan, epaiak epai eta etsaiak etsai. 

blog comments powered by Disqus
OHARRAK
  • Hernani bidea itxiko dute
    Aurrera doaz Zabaleta Berriko lanak. Jarraitzeko, ordea, Hernaniko bidea itxiko dute. Lanen zuzendariak Txintxarri-ri azaldu dionez, hurrengo astetik aurrera itxiko dute bide hori. Hain zuzen, Pepenea baserria eta Hernaniko muga bitartean egongo da itxita. Baimena eskatu dute dagoeneko udalean, eta jaso bezain pronto itxiko dute errepidea. Ondorioz, astelehenean edo, beranduenez, asteartean ezin izango da errepide hori erabili. Bide alternatiboak jakinarazteko seinaleak jarriko dituzte. Hilabete pare bat behintzat egongo da itxita. Lanetako zuzendariak azaldu duenez, baimena iraila bukaera arte eskatu dute, baina litekeena da lehenago amaitzea.
Lasarte-Oria
Gaur ez dago ekitaldirik Lasarte-Orian.
ZORION AGURRAK
DANEL
Zorionak gure etxeko Cat Noir txikia! Gure bizitza abentura bihurtu duzu, eta gehiago biziko ditugu! Muxu handi bat! Aitatxo, amatxo eta Luken
AZKEN PDFa
1431 ( Uztailak 27 )
GUARDIAKO FARMAZIAK
Orue ( Astelehena)
Jaizkibel plaza 2
Tel: 943 362652
ASTEA
    • De Miguel ( Asteartea )
      Kale Nagusia 32
      943 371151
    • Lasa ( Asteazkena )
      Kale Nagusia 42 atzea
      943 361774
    • Gil ( Osteguna )
      Kale Nagusia 24
      943 361529
    • Gandarias-Uribe ( Ostirala )
      Iñigo de Loyola 9
      943 019521
    • Lasa ( Larunbata )
      Kale Nagusia 42 atzea
      943 361774
    • Lasa ( Igandea )
      Kale Nagusia 42 atzea
      943 361774
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48