ETAk behin betiko amaiera eman dio bere jarduera armatuari. Duela hamarkada asko, iraultza armatuen bidea argitzen zuten izar gorriek, munduko borroka askoren iparorratz moduan. Kubak boterea irauli zuen garai beretsuan jaio zen ETA, Espainiak bere gordinkeria makillajerik gabe erakusten zuenean. Ordutik hona gertatutakoarekin, bakoitzak bere irudipenak izango ditu, eta izango dira inoiz existitu behar ez zuela uste dutenak, "demokraziarekin" batera desegin behar zutela diotenak, Argelen, Lizarran, Loiolan…

Dena dela, Euskal Herriarentzat aro aldaketa nabaria da, eta erruen sententzia bat plazaratu baino, nahiago dut erronkei begira ipini. Iraganaren errelato bakar bat egin nahi izateak, gudua garaitu izanaren logikak… ez dute lagunduko elkarbizitzaren bidean. Auzi honek kontestu bat izan du, eta gutako bakoitza lubakiaren alde batean jaio gara, nolabait esatearren. Autokritika garrantzitsua da, baina denena eta norabide guztietan. Denok egin beharko dugu ahalegina bakoitza non egon garen onartzeko. Orain proiektu partekatu bat eraikitzea dagokigu. Estatu espainiarraren magalean herri bezala garatzeko ditugun trabak bistaratu behar ditugu. Gurea ez da identitate kontu bat bakarrik, zein motako gizartea eta politika eraikiko ditugun baizik. 

Egunen batean askea izango den Euskal Herri hori sortzea eta definitzea dagokigu orain. Jendarte solidarioa, feminista, integratzailea, ameslaria, parte hartzailea, enpatikoa... orokorrean, jendarte askea bultzatzea dagokigu. Pentsatu eta adostu dezagun nolako Euskal Herrian bizi nahi dugun, eta asmo guztiak egingarriak izan daitezen borrokatu dezagun. Etorkizunaren parte aktibo izateko garaia da, baina ez da erraza izango. 
 

 

blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
GORKA ETA UNAI
Zorionak Gorka eta Unai aiton-amonen partetik. Muxu pila bat polit horiek
AZKEN PDFa
1444 ( Abenduak 14 )
GUARDIAKO FARMAZIAK
Orue ( Asteazkena)
Jaizkibel plaza 2
Tel: 943 362652
ASTEA
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Gandarias-Uribe ( Astelehena )
      Iñigo de Loyola 9
      943 019521
    • Gandarias-Uribe ( Asteartea )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48