Etxean askotan izaten da gonbidatuen gela bat, norbait bisitan etorriko zaigun itxaropenaz bizi baigara eta soberan izaten dugun gela atondu, txukundu eta gonbidatuena bezela izendatzen dugu.

Nik ere badut horrelako gela bat etxean. Ez ditut gonbidatuak sarritan izaten eta horregatik askotan alabaren jostailuekin edo tolestu eta jaso beharreko erropaz beterik izaten da.

Nire gurasoak izaten dira gela hau gehien erabiltzen dutenak. Bilobatxoarekin egoteko aitzakiarekin etortzen dira asteburu pasa eta beroientzat prestatzen dut gela. Orain urte batzuk, amak, neguan etortzen zirenerako franelazko izara batzuk oparitu zizkidan. Izara urdinak aitarentzat eta arroxa kolorekoak berarentzat, pare bat ohe banatarako. Aitaren ametsetako izarak omen ziren, aspalditxoan zuen kapritxoa izaki.Izara lodi eta goxoak, ohean sartu eta eternitaterarte harrapatzen zaituzten horietakoak.

Aurten ere gonbidatu ditut gurasoak etxera, hotz gehien egin duen astean, orain hiruzpalau aste hain zuzen. Eta okasioak eta beharrak eskatzen zuelako atera nituen armairutik franelazko izarak, aitaren ametsetako izarak.

Amaren ohea jantzi nuen aurrena, ximurrik gabe, zuzen zuzen, berdin berdin. Aitarena janzten hasi orduko ordea, malko batek egin zidan ihes, franelazko izara gainean orban urdin ilun bat utziz. Hari begira, ohartu nintzen aita ez zela berriz itzuliko, ez zuela berriz ametsik egingo bere ametsetako izara artean.

Malko orbana izaratik poliki-poliki desagertu zen gisan, utzi gintuen iaz  gure aitak ere, inoiz amestuko ez lukeen bukaerara iritsiz. Hiltzea baita guztiok ziur egingo dugun gauza bakarra. Bizitza hauskorra baita, zartaduraz betea, pitzaduraz josia eta eten hoietako hutsunea askotan  amets gaizto bilakatua .

Baina denborak aurrera darrai, etengabean, eta etenak sorturiko zauriak sendatuz. Maite genuen hori, franelazko ametsetan biziko dela jakitun. 

blog comments powered by Disqus
OHARRAK
  • Yoko-Garbi elkartearen bazkide kanpaina
    Zubietako YOKO-GARBI elkartean, bazkide izateko azken tokiak geratzen direla jakitera ematen du. Familia bonoak, jubilatuei deskontu bereziak, etab. daude. Elkartearen egoitza berria, Alamandegi etxean izango da Izena ematea Alamangi jatetxean edo yokogarbielkartea1@gmail.com helbidean egin behar da, urriaren 14-a baino lehen. Informazio edo azalpen gehiago behar izanez gero, yokogarbielkartea1@gmail.com helbidean eskainiko dira.
  • Erketzen urteurren bazkaria
    Erketz EDT urriaren 21ean bere 50. urteurreneko bazkaria antolatu du, Michelin kirol guneko pilotalekuan. Bazkari gozoa dastatzeko txartelak salgai daude Patricio tabernan, Mendi-Rock tabernan eta Ormazabal lora-dendan. Haurren bazkariko txartelak, 15 euro balio ditu; helduenak berriz, 35 euro. Urriaren 5era arte izango dira eskuragarri.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
Lasarte-Oria
Gaur ez dago ekitaldirik Lasarte-Orian.
ZORION AGURRAK
IÑAKI
Zorionak!! Zure urtebetetzeko ospakizunak eta gero, ezkontzarako indarrak izatea espero dugu!! Ongi pasa!! Ttakuneko lankideak
AZKEN PDFa
1434 ( Irailak 21 )
GUARDIAKO FARMAZIAK
Urbistondo ( Asteartea)
San Frantzisko 1
Tel: 943 366567
ASTEA
    • Gandarias-Uribe ( Asteazkena )
      Iñigo de Loyola 9
      943 019521
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Lasa ( Astelehena )
      Kale Nagusia 42 atzea
      943 361774
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48