Beharretik sortzen da biharra…  eta beharrak garatzen du ekintzarako giharra. Ase-beharra baita subkontzientearen iparrorratzak iradokitzen duen iparra… beharretik eraikitzen dugu biharra.
Beharra hitzak bi zentzu iradoki dizkit, ordea. Batetik, premia, bete beharreko hutsunea, eta bestetik, lana, norbere gaitasunak proban jartzeko unea. Nor naiz ni baina? Izu batean babes eske behin izan nintzen umea? Edo, heldutasunari dagokion legez, bere buruaz arduratzen den bidaiari xumea? 

Altxorraren bila bizi izan naiz luzaroan, erabateko zoriona ekarriko zidan altxorra, kutxa batean kabituko balitz bezela. Ni bai ergela! Noiz sinetsi nuen  zoriona nigandik at topatuko nuela? Kotxeetan, nesketan, politikan, elite ekonomikoetan, goi mailako sektore intelektualen orgia filosofikoetan …  Noiz sinetsi nuen zoriona aurkitu egin behar dela? Ni bai ergela!

Zeren bila bizi naizen baino, zeri egiten diodan ihes hasi natzaio galdezka nire buruari, iheska ari gatzagionari beldur erabakitzen baititugu helburu ugari. Baina, adi! Ez badugu barrura begiratzen, ez badugu egin garena erreparatzen, nola ezagutu zein den gure egiazko beharra? Premia da iparra, eta lana… edonora heltzeko bide bakarra, beharretik sortzen baita biharra.

Oraindik, behin izan nintzen ume izuti hura naiz askotan. Ezinbestekoa zaion maitasuna galtzeko beldur, bere ahuleziaren jakitun, gurasoen besotan. Orain gurasoak ez dira aita eta ama, ordea, baizik eta, behar ditudan pertsonen maitasuna eta gauzen balorea. Nire aukeretan sinetsi ezinda, ziurtasunik gabeko bizitzaren oihanean salbu sentitu asmotan. Noiz arte jarraituko dut baina nire buruarekin borrokan? 

Gizadiaren sekretua ezkutatu nahian jardun zirenean, saiatu ziren itsasoko ur sakonetan, misterioz beteriko kobetan, basamortuko areetan…  baina, azkenean… ia non saiatu ez zekitenean, otu zitzaien ezkutatzea pertsona bakoitzaren barruetan, bai baitzekiten hor ez genuela inoiz begiratuko, kanpora begira bizi garen heinean.

blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
Lasarte-Oria
Gaur ez dago ekitaldirik Lasarte-Orian.
ZORION AGURRAK
ARATZ
Zorionak txapeldun!! Primeran pasa zure egunean. 9 muxu haundi ama, aita eta Aiurren partetik.
AZKEN PDFa
1448 ( Urtarrilak 18 )
GUARDIAKO FARMAZIAK
Urbistondo ( Astelehena)
San Frantzisko 1
Tel: 943 366567
ASTEA
    • Gandarias-Uribe ( Asteartea )
      Iñigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    • Lasa ( Ostirala )
      Kale Nagusia 42 atzea
      943 361774
    • Gil ( Larunbata )
      Kale Nagusia 24
      943 361529
    • Gil ( Igandea )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48