Azkenaldian askotan jartzen gaituzten egoera da alerta laranja. Egoera honek arreta berezia jartzea eskatzen du, neurri gabeko zerbaiten aurrean adi eta erne behar dugun adierazgarri.

Maiz entzuten ditugun hitzak dira, eta maiztasun horrek  gehiegizko konfiantzari bide emanez, tamalez, ekidin daitezkeen istripuak eta ezbeharrak gertatzen dira askotan. Axolagabeki jokatzen baitugu zentzu guztien arreta berezia eskatzen duen egoeraren aurrean. 

Meteorologiaz dihardutenean aipatzen dute gehienetan alerta laranja, non haizea indartsu ibiliko den, eurite handiak uholde arriskua ekarriko duen, itsasoan olatu erraldoiak altxatuko diren edota elur maila itsas mailaraino jaitsiko den. 

Baina niri beste hamaika motibok pizten didate argi laranja nire baitan, eta eguraldiaren aldarte bortitzak adina edo gehiago kezkatzen naute; lan egoera eta etorkizunari begira, sindikatuek sinatuko dituzten lan-hitzarmenek, adibidez. Baita, herriaren nahiari eta hitzari muzin eginez, politikariek adostuko dituzten itunek ere; hala nola, azpiegitura askoren nondik norakoak interes politiko soiletan oinarrituz, beroien esku geratzen diren erraustegia eta zaborren kudeaketa, Donostiako metroa, abiadura handiko trena, presoen gerturatzea, erabakitzeko eskubidea, etabar. 

Ildo beretik jarraituz, gure seme-alaben etorkizuna ere hezkuntza sistema /metodologia eskas baten menpe dagoela esango nuke. Zer esanik ez, kontrolik gabeko sare sozialen erabilera, nerabe eta gaztetxoen galbidea. Hizkuntza normalkuntza sustatu beharra…

Gai hauek guztiek eta gehiagok merezi dute alerta laranja egoera, are gehiago, baita gorria ere, baina inork gutxik adierazten digu beraien larritasunaz.

blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
Lasarte-Oria
Gaur ez dago ekitaldirik Lasarte-Orian.
ZORION AGURRAK
ARATZ
Zorionak txapeldun!! Primeran pasa zure egunean. 9 muxu haundi ama, aita eta Aiurren partetik.
AZKEN PDFa
1448 ( Urtarrilak 18 )
GUARDIAKO FARMAZIAK
Urbistondo ( Astelehena)
San Frantzisko 1
Tel: 943 366567
ASTEA
    • Gandarias-Uribe ( Asteartea )
      IƱigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    • Lasa ( Ostirala )
      Kale Nagusia 42 atzea
      943 361774
    • Gil ( Larunbata )
      Kale Nagusia 24
      943 361529
    • Gil ( Igandea )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48