Aita izateak sortu didan sentimendu baten harira datoz gaurko hitzak. Sentimendu nostalgiko xamarra, kronologikoki oso antolatua, denboran etapaka kokatua eta haurtzaroan oinarritzen dena.  Bakoitzaren oroitzapenen eta sentimenduen mundua oso desberdina eta aberatsa da. Herriko pailazoen doinu eta abestien letrekin zure bizitzako ehunka momentu gogoberritzea, oso aberasgarria; zin dagizuet. Horri, semearen irribarrea gehituz gero, hortxe eguneroko une magikoetako bat.

Irrien lagunak, ilusioen lagunak, euskararen lagunak eta bereziki haur guztien lagunak. Guztienak diodanean heldu garen haurronak ere esan nahi dut. 90.hamarkadan Zabaleta auzoan, oihal zati bat atzean zutela hasi ziren pailazo haiek poza eta alaitasuna banatzen;  Takolo, Pirrutx eta Porrotx ziren garai hartan.

Egunero berritzen ditut haur garai haiek, semearekin euren diskak entzuten ditudan bakoitzean. Poz asko, ilusio asko eta bereziki irribar asko berritzen ditut ene buruan. 

Semeak, nabari du aitatxo eta amatxok oso gustuko dituztela. Zabaletako pailazo haiek, Lasarte-Oriako pailazo bihurtu ziren  gerora eta gaur egun Euskal Herri osoan banatzen dituzte muxuak Pirritx, Porrotx eta Marimototsek.  Zabaletako lehen emanaldi haiek ikusten genituenok, pozik ikusten ditugu gaur egun ere. Ezin ahaztu, duela 30 urte inguru Okendo plazan dultzaina, bonboa eta txindatak hartuta egiten zituzten sarrera kitzikagarriak, edota "aspirinarekin" bukatzen ziren saio dibertigarriak. Nire oroitzapenen bilduman erroturik geratu dira hainbat momentu bereziri loturiko abestiok. Memoria, askotan ekintzetan eta sentimenduetan oinarritzen da eta nire kasuan  abesti sinple batek, letra sinple batek, oroitzapen asko ekartzen dizkit. Landaberri ikastolako jaialdi hartan binilozko diska hura erosi nuenetik, urte asko iragan diren arren, aurtengoan Korrikarako sorturiko diska berria erosi eta gozatzen gabiltza etxean. Askotan memoriak ez duelako gehiagorik behar. Gozamenerako sentimenduak sorrarazten dituzten uneak, une bereziak, une hauek sortuko dituzten pertsonak eta abestiak besterik ez.

Bihotz bihotzez eskerrak Takolo, Pirrutx, Pirritx, Porrotx eta Marimotots.

 

blog comments powered by Disqus
OHARRAK
  • Gazteen entsegu-lokalei buruzko bilera
    Lasarte-Oriako Udalak Gaztelekuan dauden entsegu-lokalen eskaera egin dute taldeak uztailaren 27an, arratsaldeko 18:30ean bilera bat egitera deitu ditu. Bileran lokalen erabilerari buruzko azalpenak eta entseguen egutegi eta ordutegia osatuko da.
  • Lasartearra elkarteko bazkidearen eguna
    Lasartearra elkarteak bazkidearen eguna antolatu du uztailaren 31n, San Inazio egunean: 11:30ean, txakolina edango da elkartean. 11:45ean, zendutako bazkideak gogora ekarriko dituzte ekitaldi xume batekin. Ostean, txupina eta auzoko tabernatan poteoa egingo dute, trikitilariek lagunduta. 14:30ean, bazkaria izango da elkartean. Bazkarian parte hartzeko bazkideek izena eman eta 20 euro ordaindu behar dituzte. Inskripzioa uztailaren 26a baino lehen egin behar da Lasartearra elkarteko bulegoan.
  • Hernani bidea itxiko dute
    Aurrera doaz Zabaleta Berriko lanak. Jarraitzeko, ordea, Hernaniko bidea itxiko dute. Lanen zuzendariak Txintxarri-ri azaldu dionez, hurrengo astetik aurrera itxiko dute bide hori. Hain zuzen, Pepenea baserria eta Hernaniko muga bitartean egongo da itxita. Baimena eskatu dute dagoeneko udalean, eta jaso bezain pronto itxiko dute errepidea. Ondorioz, astelehenean edo, beranduenez, asteartean ezin izango da errepide hori erabili. Bide alternatiboak jakinarazteko seinaleak jarriko dituzte. Hilabete pare bat behintzat egongo da itxita. Lanetako zuzendariak azaldu duenez, baimena iraila bukaera arte eskatu dute, baina litekeena da lehenago amaitzea.
AZKEN PDFa
1430 ( Uztailak 20 )
GUARDIAKO FARMAZIAK
Acha-Orbea ( Larunbata)
Hipodromo etorbidea 6
Tel: 943 363549
ASTEA
    • Acha-Orbea ( Igandea )
      Hipodromo etorbidea 6
      943 363549
    • De Miguel ( Astelehena )
      Kale Nagusia 32
      943 371151
    • Lasa ( Asteartea )
      Kale Nagusia 42 atzea
      943 361774
    • Gil ( Asteazkena )
      Kale Nagusia 24
      943 361529
    • Acha-Orbea ( Osteguna )
      Hipodromo etorbidea 6
      943 363549
    • Gandarias-Uribe ( Ostirala )
      IƱigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48