Pausoka-pausoka 25 urte
Jalgunek 25 urte betetzen ditu eta modu berezian ospatzeko egonaldia egin zuten Extremadura aldean udan. Bertan herri ezberdinetako elkarte eta jendearekin izan ziren eta lagun berri pila egin zituzten. Jalguneren helburua herrian aniztasun funtzionala duten pertsonei egokitutzen den aisia aukera bat eskaintzea da baina haratago doa lortutakoa, begirale eta taldeko kide zein familiek, lagun talde bat osatzen dutela diote.

Jalgune elkartea, duela 25 urte sortu zen gurean behar espezifiko bati erantzuna emateko. Gaur egun ordea, bertan dabiltzan begirale eta erabiltzaileen hitzetan, “lagun talde bat” dira. 
Elkartearen helburua, herri mailan aniztasun funtzionala duten pertsonei egokitzen den aisia aukera bat eskaintzea da. 

Eta hain zuzen ere, ondo pasa eta aisian erreferentea izatea helburuetan oinarrituz; urte hauetan Jalgune hazten joan da, lasarteoriatarrekin batera. Elkartearen bilakaera nabarmena izan da, “lan handia egin dugu barrutik kanpora. Lan honen isla, gaur egun herri mailan elkarte eta herritar askorekin lortutako lagun sarea da“ .

Jalgunextrem!
25. urteurrenaren ospakizunak direla medio, astebeteko bidaia egitea erabaki zuten Jalgune osatzen duten kideek (hezitzaile taldeak, familiak eta gazteek). “Lasarte-Oriako herritar bezala, harro sentitu eta bizi nahi dugu gure herria, eta hori da gure egunerokotasunaren oinarria”. 

Oraingoan, ospakizun berezia egin nahi zuten, “gurean egiten duguna beste herrietara  zabaldu nahian”. Jalguneren hasierako urteetan astebeteko bidaiak egiten zituzten. Salbuespen modura, egitasmo hori errekuperatzea pentsatu zuten egungo begirale eta kideek. “Gazteen proposamenak abiapuntutzat hartuta, gure egungo helburuekin bat zetorren bidaia antolatzea pentsatu genuen. Hezitzaile taldeak, familiei eta gazteei aukera desberdinak aurkeztu genizkien eta bilera partehartzaileen bidez, denon artean urteurrenaren ospakizuna erabaki genuen“.

Abuztuaren bukaeran astebeteko bidaia egin zuten. Bertan, 23 pertsona izan ziren, 14 gazte eta 9 hezitzaile. “Bidaiaren balorazioa bikaina izan da, ezin hobea. Egon garen herrietako elkarte eta eragileekin izan dugun hartu-emana oso aberasgarria izan da. Gurean  bezala, bidai honetan ere harreman politak sortu dira pertsona eta elkarte desberdinekin, adin guztietako pertsonekin aritu gara“.  

Hamaika ekintza egin zituzten Extremadura aldean. Aurretik ezagutzen zituzten  ekintza erakargarriak eta beste hainbeste berri: inguruko herriak ezagutu, igerilekuetan bainuak, asto karrera, txaranga, parranda… Giro ederra izan zuten euren artean eta “tratu bikaina jaso dugu leku guztietan”. Batez ere Arroyo de la Luz herrian eta Galisteo herrian. 

Lehenengoan, egun pasa egin zuten eta udalak egindako harrera bikaina izan zen. Bertako aniztasun funtzionala duten pertsonen elkartearekin egoteko eta harremanak egiteko aukera izan zuten ere. Udal ordezkariek harrera egin eta gero, bisita gidatuan herriko txoko kuttunenak erakutsi zizkieten. 

“Herriko dantza talde batekin aritzeko aukera izan genuen baita zeramika tailer bat egiteko ere. Folklorea, historia, kultura eta ohiturak erakutsi zizkiguten. Bukatzeko, bertako gastronomia probatzera gonbidatu gintuzten. Ederki bazkaldu genuen!“.

Caceres hiriburua eta Hurdeseko zonaldea ezagutu eta gero, Galisteo herrian pasa zituzten hurrengo egunak. Herriko etxekoandreen elkartearekin sukaldaritza tailerra egin zuten, bertako sevillana taldearekin batera pare bat dantza ere prestatu zituzten, “azkeneko egunean herriko plazan ekitaldi bat egin genuen, batzar orokor bat “egin genuen” udaletxean eta azkeneko goizean golf egokituaren federazioarekin golf saio oso berezia“. 

“Esperientzia berri hau gogoratzeko modukoa izango zelakoan geunden, eta gure aurreikuspen guztiak gainditu ditugula esan dezakegu! Hunkigarria eta ahaztezina!“, adierazi digute.

Ahaztezina
Egondako herrietako ordezkariekin harreman onak sortu ziren eta orain, denboran mantentzea izango dute helburu Jalgunekoek. “Gazteei dagokionez, beraien balorazioak oso onak izan dira eta gaur egun oraindik aipatzen dituzte Extremaduran udako egonaldian bizitako gauzak, ikasitakoak, etab. Horrek asko pozten gaitu! Ezin baitugu ahaztu beraiek direla abiapuntua eta oinarria Jalgunen“, azpimarratzen du begirale taldeak. 

 

ARGAZKIAK
blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
Lasarte-Oria
Gaur ez dago ekitaldirik Lasarte-Orian.
ZORION AGURRAK
BEÑAT
Zorionak politta! Bi muxu handi familia guztiaren partetik!
AZKEN PDFa
1448 ( Urtarrilak 18 )
GUARDIAKO FARMAZIAK
Urbistondo ( Astelehena)
San Frantzisko 1
Tel: 943 366567
ASTEA
    • Gandarias-Uribe ( Asteartea )
      Iñigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    • Lasa ( Ostirala )
      Kale Nagusia 42 atzea
      943 361774
    • Gil ( Larunbata )
      Kale Nagusia 24
      943 361529
    • Gil ( Igandea )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48