Euskararen Maratoian otorduak plazan
Aurreko Maratoian bezala, 40 orduetako otordu guztiak plazan egin ahal izango dituzte herritarrek Zortzikoteko kideekin batera. Hauek prestatzeaz arduratuko dira hainbat herritar, horietako batzuk elkarte gastronomikoetako ordezkariak. Bestalde, igandean aurreko edizioan izandako arrakasta medio, babarrun lehiaketa irekia egingo da plazan bertan. Eguerdian babarrun jana ederra egingo da eta bertan herritarrek ere izango dute aukera lehiara aurkeztutako babarrunak dastatzeko.

9. Maratoi honetan ere plazan lau otorduak egiteko aukera izango da. Baina honen atzean lan handia dago eta otorduen lantaldeaz gain, Lasarte-Oriako elkarteek ere parte hartuko dute hauek egiten.

Ehun pertsona baino gehiagorako jatorduak izango dira Okendo plazan eskainiko diren guztiak. Lantaldeko kideek azaldu dutenez, herriko elkarte gastronomiko guztiek parte hartu dute era batean edo bestean Euskararen 9. Maratoian.

Lehenengo txanda, larunbata goizeko txokolatada izango da. Hau Intza elkartearen esku egongo da 9:45ean.

Eguerdian berriz, paella jana “herriko kuadrilla batek egingo du Buruntz Azpi elkartearen laguntzarekin”. Haurren bazkaria egingo da larunbatean ere eta hauek paella jango dute. 120 umerentzako lekua izango da eta hauen menuak 3 euroko kostua izango du. 

Hauek amaitzerakoan, hasiko da helduen bazkaria. 180 lagunentzat lekua izango da eta menua 8 eurotan jarri da.  

Gauean, Sorgin Afariaren txanda izango da, kalabaza krema eta karrillerak izango dira plater nagusiak. Menuak kasu honetan 20 euroko kostua izango du postrea, kafea eta kopa barne hartuta. Honetan 400 lagunentzako lekua izango dela aurreikusi du antolakuntzak. 

Afaria egiteaz arduratuko dira Arrieskalletako ordezkariak. 

Honetaz gain, gaupasa egiten dutenek Xirimiri elkarteko sukaldariek egindako salda dastatu ahalko dute igande goizean 8:05ean.

Igande eguerdian babarrun jana izango da eta Semblante Andaluzeko kideek prestatuko dute. 

Era berean, babarrun txapelketan prestatutako babarrunak jateko aukera izango da. Babarrunak bere sakramentu guztiekin emango dira baita postrea eta kafearekin. Menua 8 eurokoa izango da eta 220 leku egongo dira.

Afarian berriz, Eusko Labeleko txekorra dastatuko da. Kasu honetan ez da elkarterik izango prestakuntzan. Etxezarreta Harategia eta Eusko Label-eko jendearen esku egongo da txekorra erretzea aurreko Maratoian egin bezala. 

Txekorrarekin batera entsaladak ere jarriko dira, hauek Lasartearrako kideek egingo dituzte. Beti ere postrea eta kafearekin bukatuta. 270 txartel jarriko dira salgai 10 eurotan.

Parte hartzea

Lantaldeko kideek jakitera eman dutenez, otordu batzuk zerbitzatuak izango dira baina beste batzuk 'self-service' bezala antolatuko dira. 

Hala ere, oraindik beharrezkoak dira zerbitzari lanetan arituko diren herritarrak baita mahaiak jarri eta kenduko dituztenak ere. Lagundu nahi dutenek euskararenmaratoia.eus orrialdean izen-eman behar dute ostirala, urriak 21 baino lehen.

Txartelak eta txosna

Bestalde, otorduetako txartelak dagoeneko salgai jarri dira Jalgi Kafe-Antzokian eta Ttakun elkartean.

Aipatu behar da Okendo plazan ere aurrekoan bezala, txosna jarriko dela eta jatorduetako orduetatik kanpo gose denak ere mokadu bat jateko aukera izango duela bertan. 

ARGAZKIAK
blog comments powered by Disqus
OHARRAK
  • Intza elkartearen Batzar Orokorra
    Intza elkarteak jakinarazten du, otsailaren 4an, igandean ohiko eta ez-ohiko batzar orokorrak antolatu dituela. Lehen deialdia 09:00etan da eta bigarrena berriz, 09:30ean. Elkarteak bazkide guztiei deia egiten die batzarrera hurbiltzeko.
  • Eskalada doan, Pio Barojan
    Lasarte-Oriako Udal Kirol Zerbitzuak eskaladan hasteko saio berezia antolatu du 2006, 2007, 2008 eta 2009an jaiotako neska-mutilentzat. Jardunaldia urtarrilaren 27an egingo da, arratsaldeko 16:00etan, Donostiako Pio Baroja kiroldegian. Interesa duten pertsonek Maialen Chourraut kiroldegian eman beharko dute beraien izena. Plaza kopurua mugatua denez, izen-emate zerrenda errespetatuko da. Jarduera doan izango da udal kirol instalazioen bazkideentzat.
  • Mus txapelketa
    Euskal Herriko X. Mus Txapelketako Lasarte-Oriako fasea jokatuko da urtarrilaren 26an, Xirimiri elkartean. Egun horretan bertan, elkartera izen ematera gerturatzen direnek momentuan jokatuko dute kanporaketa, eta bertan irabazle suertatzen direnek Gipuzkoako txapelketarako pasea lortuko dute. 20 euroko kostua (bikoteko) izango du izen emateak.
  • Biyak Bat elkartearen batzar orokorra
    Biyak Bat elkarteak jakinarazten du, urtarrilaren 27an, larunbata 2017 urteari dagokion batzar orokorra egingo duela. Lehen deialdia 17:30ean da eta bigarrena berriz, 18:00etan. Elkarteak bazkide guztiei deia egiten die batzarrera hurbiltzeko elkartearen egoeren berri izan dezaten.
  • Odol ateratzea
    Hilabeteko azken astelehenean, urtarrilaren 29an, eman ahal izango da odola Osasun Zentroan, 17:30etik 20:30era. Anima zaitezte, odola ordezkaezina da eta odol falta dago!
Lasarte-Oria
Gaur ez dago ekitaldirik Lasarte-Orian.
ZORION AGURRAK
SAIOA
Ondo pasa zure bederatzigarren urtebetetzean, zure gurasoen eta Iker anaiaren partetik.
AZKEN PDFa
1407 ( Urtarrilak 19 )
GUARDIAKO FARMAZIAK
Gandarias-Uribe ( Asteazkena)
IƱigo de Loyola 9
Tel: 943 019521
ASTEA
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Lasa ( Astelehena )
      Kale Nagusia 42 atzea
      943 361774
    • Gil ( Asteartea )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48