Aldazan/k, aldatzekorik bai?
Zure itxura aldatu nahi duzu? Ez zaude konforme ematen duzun irudiarekin? Dotoreago ikusi nahi duzu zure burua? Lasai, Euskararen 9. Maratoiak aukera ematen dizu goitik behera aldatzeko. Animatzen? Interesa duten herritarrek kultura@ttakun.eus helbidera idatzi behar dute ostirala baino lehen.

Euskararen 9. Maratoian denetariko ekintzak egongo direla aurreikusi dezakete herritarrek. Egitarauan jarritako izenen atzean asko ezkutatzen da, “ezustekoa izan dadin”, diote zortzikoteko kideek. 
Hala ere, zenbait gauza aurrera ateratzeko, ezinbestekoa da herritarren parte hartzea eta hau da adibide horietako bat.

‘Aldazan/k’ proban, hiru profesional elkartu dituzte hiru laguni itxura, looka, goitik behera aldatzeko. 

Nora Izagirre diseinatzailea, Eneritz Mendiluze estilista eta Ixabel Uzkudun ileapaintzailearen eskuetatik pasako dira hautatuak diren herritar hauek. 

Larunbatean 19:15ean hasiko da aldaketa prozesua oholtzan eta Sorgin gauean, gau erdiaren inguruan, aurkeztuko dituzte  herritarrak itxura aldatuta.

“Ikusi beharko da orduan aldaketarekin pozik azaltzen diren herritarrak edo ez zaien batere gustatzen, izan ere ez dute euren burua ikusiko azken momentura arte, oholtzara igo arte”.

Edozein izan daiteke

Antolakuntza zein adituek ez dute perfil zehatzeko herritarrik bilatzen, aurkezten direnen artean hori bai, aldaketa aukera gehien duenarekin geratuko dira. “Parte hartzera animatzen diren herritarrak prest egon behar dira edozertarako, ilea moztu, tintatu  edota bizarra kentzeko ere” azpimarratzen dute adituek. 

Arropari dagokionez, herriko Leize dendarena izango dela aurreratu dute. “Estilo horri helduko zaion arren, Nora Izagirrek bere ikutua emango die jantziak konbinatzeko garaian edota osagarriekin looka osatzeko. Hainbat trikimailu erabiliko ditu arropari ikusgarritasuna emateko”. “Oso estilo modernoa, casual, hipster, denboraldi berriko arropa izanda, uneko tendentziei jarraituz”. 

Datorren urte sasoirako tendentzia berriak markatuko dituzte hiru herritar hauek ziur.

Adinari dagokionez, mugarik ez dute jartzen: “Edozein adin da ona aldaketa bat egin eta itxura berritzeko”. 

Zortzikoteak telebista saio batetik atera du proba hau egiteko ideia eta hautatuak diren herritarrek azaldu beharko dute 60 segundotan zergatik nahi edo behar duten aldaketa hori. 

Hiru profesional
Aski ezagunak dira herrian proba hau garatzeko beharrezkoak diren laguntzaileak. 

Nora Izagirre arropa diseinatzailea da eta aurreko Maratoian ere bere laguntzarekin hainbat diseinu egin zituen gazte talde batek desfile dotorea osatuz. 

Ileari dagokionez, Ixabel Uzkudun herriko ileapaintzailea ariko da, izen bereko ileapaindegia dauka Kale Nagusian eta urte asko daramatza jardun honetan. Azkenik, Eneritz Mendiluze arduratuko da makillajeaz, Maite Erkizia ile apaindegian egiten du lan gazteak.

Zortzikotea parte

“Zortzikoteko kide batzuk ere ez omen daude konforme euren itxurarekin, urtetako perfila aldatuko dute eta desberdin agertuko dira oholtza gainean. Hauekin bai, lan zaila izango dute hiru profesionalek”. 

Zortzikoteko kideen artean, hori bai, ez dute argitara eman nahi izan zeintzuk izango diren aldaketa burutuko dutenak. Sekretua beraz, larunbateko gau sorginduan emango da jakitera...

ARGAZKIAK
blog comments powered by Disqus
OHARRAK
  • Zubietako Udako Txokoak
    Zubietako Guraso Elkarteak udararako haur txokoak antolatuko ditu Zubietan, 2 eta 12 urte bitarteko haurrei zuzenduak. Txokoetan parte hartzeko, uztailaren 27ra arte aurretiko izen emate epea zabalik dago. Interesatuek zubietatxoko@gmail.com helbidera idatzi edo 649659786 telefonora dei dezakete.
  • Biyak bat elkarteko gizonen ileapaindegia martxan
    Biyak Bat elkarteak jakinarazten du, gizonezko ileapaindegi zerbitzua martxan dela. Ileapaindegiaren ordutegia honakoa da: astelehenetik ostiralera, goizez 10:00etatik 13:00etara eta arratsaldez, 16:00etatik 18:00etara.
  • Aterpea 25. urteurreneko afaria
    Aterpea Merkatari elkarteak 25. urteurrena ospatzen ari da. Ospakizunen artean, maiatzaren 19an, afaria antolatu du Maialen Chourraut kiroldegian. Ostean, dantzaldia izango da, Ibai Berriak taldeak girotua. Tiketak 40 euro balio ditu eta maiatzaren 12ra arte izango dira salgai elkarteko dendetan.
  • Galizia eta Portugalera bidaia
    Biyak Bat elkarteak bidaia antolatu du Galizia eta Portugaleko iparraldera, maiatzaren 27tik ekainaren 5ra. Elkarteko bazkideek 530 euro ordaindu behar dituzte; bazkideak ez direnek, berriz, 580 euro. Izena ematea elkarteko bulegoan egin behar da astelehenetik ostiralera 10:30etik 12:30era.
ZORION AGURRAK
MARA
Zorionak maitia zure 4. urtebetetzean! Ondo pasa zure egunean! Maite zaitugu! Familia guztiaren partez.
AZKEN PDFa
1418 ( Apirilak 20 )
GUARDIAKO FARMAZIAK
Urbistondo ( Larunbata)
San Frantzisko 1
Tel: 943 366567
ASTEA
    • Urbistondo ( Igandea )
      San Frantzisko 1
      943 366567
    • Gandarias-Uribe ( Astelehena )
      IƱigo de Loyola 9
      943 019521
    • Orue ( Asteartea )
      Jaizkibel plaza 2
      943 362652
    • De Miguel ( Asteazkena )
      Kale Nagusia 32
      943 371151
    • Urbistondo ( Osteguna )
      San Frantzisko 1
      943 366567
    • Gil ( Ostirala )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48