Zaleen animoen bila, Lauko Finalera iristeko
Urrats bat gehiago besterik ez denboraldiko helburua betetzeko. Lauko Finalera sailkatzetik 40 minutura dago Ostadar SKT. Oiarsorekin ari dira indarrak neurtzen final laurdenetan; joaneko partidan nagusi izan dira herritarrak, 46-76 irabazita

Lauko Finalera iristetik 40 minutura dago Ostadar Saskibaloiko senior taldea. Hamar minutuko lau denbora baino ez, denboraldi hasieratik finkatuta daukaten helburua betetzeko. Momentuz, final laurdenak ari dira jokatzen herritarrak, Errenteriako Oiarsoren aurka. Joaneko partidan, urdin-beltzak nagusitu dira, hasi eta buka: 46-76 irabazi dute. "Denboraldiko neurketa onena izan da", nabarmendu du Ander Otaegi entrenatzaileak.

Alde polita ekarri dute bueltan Lasarte-Oriara, baina itzuliko neurketa jokatu egin behar dute oraindik. Igandean neurtuko dituzte indarrak berriro bi taldeek, Maialen Chourraut kiroldegiko kantxan, 11:00etatik aurrera. Taldeko kideek herritarrak animatu dituzte harmailetara joatera, eta Ostadar animatzera. Denboraldi bikaina egiten ari da senior mailako taldea, eta biribiltzea besterik ez zaie falta. Zaleekin batera egin nahi dute Lauko Finalera sailkatzeko bigarren urratsa.

Oiarsoren aurka sekulako partida jokatu dute, taldearen ezaugarriak baliatuta. Joko bizkorra, erritmo handikoa, baloia alde batetik bestera azkar mugitzen... Horren seinale, libre eta markarik gabe egindako jaurtiketa guztiak; zortzi hiruko sartu zituzten denera, eta bi puntuko beste hainbat.

Egurrean, 40 minutuz
Aurreneko segundotik atera zen Ostadar SKT neurketaren bila. Junior taldeko hainbat kide deitu, eta hamabi jokalari eraman ditu Otaegik Errenteriara. Nabaritu dute, alor fisikoan batez ere: "Oiarsok bederatzi jokalari besterik ez zituen, eta fisikoki nabaritu da aldea; bigarren zatian, batik bat".

Ordurako, dena den, nahiko bideratuta zegoen neurketa. Atsedena hartzera joan zirenean, 18-36ko emaitza islatzen zuen markagailuak. Lehenengo laurdena 11-19ko emaitzarekin itxi zuten herritarrek, eta bigarrenean handitu egin zuten. Dinamika horri eutsi zioten, partida bukatu arte: azkenean, 47-76. Abantaila ederra etziko norgehiagoka jokatzeko.

Kirola ederra da, hainbat faktorerengatik; besteak beste, batzuetan gertatzen diren ezustekoengatik. Oiarsok ez dauka batere erronka makala igande honetan: saiatuko da 30 puntuko alde horri buelta ematen. Kirolean, eta, saskibaloiean bereziki, ikusi dira hori baino balentria handiagoak, baina Ostadarrek oso gaizki jokatu beharko luke Lauko Finalera ez sailkatzeko. Gainera, zaleen indarra ere edukiko du alde.
Abuztuan ekin zioten sasoiari. Aurredenboraldiko lehenengo entrenamendu gogor eta neketsu horietan, lehenengo izerdiak bota ostean, helburua finkatu zuten: senior mailako ligako kanporaketetara sailkatzea aurrena, eta, behin fase horretan egonda, Lauko Finalera iristea, iaz bezala. Ez dute lortu oraindik, baina oso gutxi falta zaie. 

Sailkapena lortuko balute, datorren asteburuan jokatuko lukete azken fase horretako aurreneko norgehiagoka, maiatzaren 19an, larunbatarekin. Irabaziz gero, final handia hurrengo egunean izango litzateke (maiatzaren 20an, igandearekin). "Lauko Finalera iristearekin asko poztuko ginateke, baina behin hor egonda, edozer gauza pasa daiteke", esan du Otaegik. Lauko Finala irabazten duen taldeak Espainiako Bigarren Mailan aritzeko txartela lortuko du.

Talde gaztea da Ander Otaegi eta Beñat Eleizegik entrenatzen dutena, baina kalitate eta gaitasun fisiko handikoa. Erritmo biziko partidak planteatzen dituzte, saskiraketa askokoak. Erakargarriak zaleentzat. Igandean dute saskibaloi azkar horretaz gozatzeko hitzordua. 11:00etan, Maialen Chourraut kiroldegian. 

 

ARGAZKIAK
blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
Lasarte-Oria
Gaur ez dago ekitaldirik Lasarte-Orian.
ZORION AGURRAK
BEÑAT
Zorionak politta! Bi muxu handi familia guztiaren partetik!
AZKEN PDFa
1448 ( Urtarrilak 18 )
GUARDIAKO FARMAZIAK
Urbistondo ( Astelehena)
San Frantzisko 1
Tel: 943 366567
ASTEA
    • Gandarias-Uribe ( Asteartea )
      Iñigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    • Lasa ( Ostirala )
      Kale Nagusia 42 atzea
      943 361774
    • Gil ( Larunbata )
      Kale Nagusia 24
      943 361529
    • Gil ( Igandea )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48