Zeharkaldirik jendetsuenean
Itsas zeharkaldi berezia da Getaria-Zarautz. Urtetik urtera igo egin da parte hartzaileen kopurua; 2.400 inguruk egin dute aurten bi herriak lotzen dituen 2.850 metroak uretan. Lasarte-Oriako 26 igerilarik egin dute proba, "giro onean"

Badu zerbait berezia Getaria-Zarautz itsas zeharkaldiak. Beste hamaika ur irekietako proba egiten dira Euskal Herrian, baina horiek ez dute horrenbeste arreta erakartzen. Eta ez da harritzekoa; 2.900 pertsonak izen eman dute aurtengo ediziorako. Tartean, urtero bezala, lasarteoriatar mordoa. Guztira 26 herritarrek egin dute Getariatik Zarauzko hondartzarainoko 2.850 metroak. 

Xabier Elizegik argi du zergatik den berezia: "Giroak erakartzen du jendea. Esan daiteke igeriketaren Behobia-Donostia dela". Euskal Herrian ez dago horren zeharkaldi jendetsurik. "Espainian ere ez da horrelakorik", esan du Elizegik. Badu beste antzekotasun bat Behobia-Donostiarekin. "Igeri egiten ez duen jende askok parte hartzen du. Apustu edo erronka bezala askok". 

Helmugara iristen lehen lasarteoriatarra izan da Elizegi. Espero baino hobeto egin du, entrenamenduetan beste urteetan baino okerrago aritu baita. "Marea goran zegoen, eta metro gehiago egin behar izan ditugu. Halere, itsasoa bare eta olatuak alde zeuden". 

Ongi pasatzera
Beste zeharkaldiekin alderatuz, maila hobexeagoa ere izaten du. Ingurukoetan lehen postuetan ibiltzen da beti Elizegi. Igandean 40. lehorreratu zen (zortzigarren gizonezkoen Master 1 kategorian). "Espainiako txapelketa izan da aurreko astean, eta sasoi betean etorri dira gazteak". 

Aintzane Usandizagak lehen Getaria-Zarautz izan du aurtengoa. "Udan beti egin dut igeri hondartzan, baina iaz hasi nintzen igeriketan entrenatzen". Buruntzaldea IKTko Master atalean aritzen da lasarteoriatarra. Iaz Donostiako zeharkaldi pare bat egin ostean, aurten animatu da Getaria Zarautzera. "Seguru aski ezagunena izango da. Entzunda nuen hari buruz, eta horregatik erabaki nuen egitea. Gainera, itsasalde hori oso ederra da". 

Gustura ibili da igerian Usandizaga, bere erritmora. Jende asko egon arren, arazorik ez du izan irteeran eta estutasun gehiegi igaro gabe egin du aurrera. "Giro oso ona zegoen. Atzeko taldeetako batean nengoenez, jendea igeri egitera bai, baina batez ere ongi pasatzera atera da". 

Lehenengo aldiz 
Eneritz Mendiluzek ere lehenengo zeharkaldia izan du: "Zoragarria izan da". Ahizpak animatuta eman zuen izena, "erronka berri gisa". Igeriketan jardundakoa da bera, baina itsaso zabalean igeri egiteak errespetua ematen zion. Orain arte. "Distantziak ez ninduen beldurtzen, bai, ordea, ur azpian aurkitu nezakeena". Halere, igandean ez zen horretaz akordatu. "Oso gustura egin dut igeri. Burua altxatzen nuen bakoitzean paraje izugarriak ikusten nituen". 

Dena den, Mendiluzek nabari izan du aglomerazioa. Getariako portua estu samarra da, eta igerilariak pilatu ohi dira irteeran. "Hasiera kaos bat izan da, denek aurrera egin nahian". Baina helburua ongi baino bete du. Bere ahizparekin eta haren bi lankideekin, laurak batera ailegatu dira Zarauzko helmugara. "Hurrengo urterako gorriz markatu dut data egutegian". 

 

ARGAZKIAK
blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • Igerilekua itxita larunbatea
    Igeriketa txapelketa dela eta, datorren larunbatean, urtarrilak 19, arratsaldez, Udal Igerilekua erabiltzaile ororentzat itxita egongo da. Udal kirol instalazioetako abonamendua dutenek Andoaingo Igerilekuak erabili ahal izango dituzte.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
ZORION AGURRAK
ARATZ
Zorionak txapeldun!! Primeran pasa zure egunean. 9 muxu haundi ama, aita eta Aiurren partetik.
AZKEN PDFa
1448 ( Urtarrilak 18 )
GUARDIAKO FARMAZIAK
Orue ( Ostirala)
Jaizkibel plaza 2
Tel: 943 362652
ASTEA
    • Lasa ( Larunbata )
      Kale Nagusia 42 atzea
      943 361774
    • Lasa ( Igandea )
      Kale Nagusia 42 atzea
      943 361774
    • Urbistondo ( Astelehena )
      San Frantzisko 1
      943 366567
    • Gandarias-Uribe ( Asteartea )
      IƱigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48