Topa eginda hasi du Semblante Andaluzek kultura astea
Urteroko hitzorduari ez dio hutsik egin Semblante Andaluzek: kantu eta algara artean ekin diote aste kulturalari. Afaritxo batekin indarrak hartu dituzte; ekintzaz beteriko astea dute zain.

Ohorezko ardoa edanda hasi dute festa giroa Semblante Andaluzeko lokalean, Lasarte-Oriako Golf plazan. Bazkideez gain, udaleko ordezkariak ere gonbidatu dituzte luntxera. Topa egin, eta kantuan hasi dute jaialdia elkarteko kideek; Semblante Rociero taldearekin. 

Igandera bitartean hamaika ekitaldi antolatu dituzte. Asteartean eta asteazkenean mus eta tute txapelketak egingo dituzte, hurrenez hurren. Ostegunean egingo dituzte ekitaldi nagusiak. Okendo plazan gaztelu puzgarriak jarriko dituzte, 11:00etan, eta tiro al bote lehiaketa egingo dute eguerdian. Arratsaldean jokatuko dituzte tute eta mus txapelketak. Eta iluntzean, Semblante  Rociero taldearekin egingo dute dantza. 

Ostiral goizean ere umeentzako jokoak egongo dira Okendo plazan, eta arratsaldean Furius konpartsak alaituko du giroa. Dantzaldiak egingo dituzte 20:00etatik aurrera. 

Larunbatean, goizeko haurrez jokoen ondoren, Calderetada egingo dute bazkaltzeko. Lehenago, 13:00etan, Extremadura Etxean Badajozeko Los Jateros abesbatzari harrera egingo diote. Eta, arratsaldean, hainbat taldek dantzaldiak eskainiko dituzte. Tartean izango dira Semblante Andaluzeko taldea eta Zambra. Amaya Gonzalez Caballero dantza eskolakoek ere parte hartuko dute ikuskizunean, 20:00etan. 

Igandean amaituko da aste kulturala. Literatura, argazkilaritza eta marrazki lehiaketetako sariak emango dituzte eguerdian. Paella bazkaria egingo dute gero. Aurretik eta ondoren, dantza taldeen ikuskizunaz gozatu ahalko dute Okendora gerturatzen direnek. Son de Ases taldearen kontzertuarekin amaituko dituzte ekintzak. 

 

ARGAZKIAK
BIDEOAK
blog comments powered by Disqus
OHARRAK
  • Odol ateratzea
    Hilabeteko azken astelehenean, otsailaren 26an, eman ahal izango da odola Osasun Zentroan, 17:30etik 20:30era. Anima zaitezte, odola ordezkaezina da eta odol falta dago!
  • Galizia eta Portugalera bidaia
    Biyak Bat elkarteak bidaia antolatu du Galizia eta Portugaleko iparraldera, maiatzaren 27tik ekainaren 5ra. Elkarteko bazkideek 530 euro ordaindu behar dituzte; bazkideak ez direnek, berriz, 580 euro. Izena ematea elkarteko bulegoan egin behar da astelehenetik ostiralera 10:30etik 12:30era.
Lasarte-Oria
Gaur ez dago ekitaldirik Lasarte-Orian.
ZORION AGURRAK
GAROA
Zorionak marisorgin! Primeran ospatu zure urtebetetzea! 8 muxu potolo!!!
AZKEN PDFa
1411 ( Otsailak 16 )
GUARDIAKO FARMAZIAK
Gandarias-Uribe ( Osteguna)
IƱigo de Loyola 9
Tel: 943 019521
ASTEA
    • Orue ( Ostirala )
      Jaizkibel plaza 2
      943 362652
    • Acha-Orbea ( Larunbata )
      Hipodromo etorbidea 6
      943 363549
    • Acha-Orbea ( Igandea )
      Hipodromo etorbidea 6
      943 363549
    • De Miguel ( Astelehena )
      Kale Nagusia 32
      943 371151
    • Lasa ( Asteartea )
      Kale Nagusia 42 atzea
      943 361774
    • Gil ( Asteazkena )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48