Astelehenean, Villa Mirentxun, Lourdes Acevedo Gizarte Zerbitzuetako batzordeburua eta Izaskun Oronoz teknikaria izan ziren aste honetako haisera hitzaldian. Agipad elkarteak ‘Hitz egin ezazu beraiekin alkoholari buruz, erabakiak hartzen lagundu iezaiezu’ hitzaldi eskaini zuen. Honetan nerabeei alkoholari buruz nola hitz egin aztertu zuten.
Atzo, berriz, Manuel Lekuona kultur etxeko hitzaldi aretoan AGIFES elkarteko Marisa Roman psikologoa izan zen emakumea eta buru osasunari buruz hizketan. Buru osasun arazoek historikoki eta gizartearen eraginarengatik emakumeengan izan duten eragina aztertu zuten, baita hauei nola aurre egin ere.
Gaur arratsaldean 18:00etatik aurrera, azken saioa izango da. Osasun Zentroko kideek botikak nola hartu azalduko diete Biyak Bat elkartera hurbiltzen diren lagunei.