Lore eta landareen V. azoka bihar Okendon
Lasarte-Oriako Lore eta Landareen V. azoka izango da bihar, Okendo plazan. Udaberriarekin batera, loratu dira landareak eta horien erakusleiho izango da herriko plaza goizetik eguerdira bitarte.

Udaberriko zelai loredun eta koloretsuen antzera esnatuko da bihar, Okendo plaza; lore eta landareen V. azokak hartuko  baitu Lasarte-Oriako enparantza.

Goizeko 10:00etan zabalduko ditu ateak aipatu azokak eta eguerdiko 14:30ak bitarte izango da lore eta landareak ikusi, usaindu eta erosteko aukera ederra.

Ekimen horren berri eman zuten atzo eguerdian, Lasarte-Oriako alkate Jesus Zaballosek, Dioni Avila merkataritzako teknikoak, Nuria Fernandez Sozioekonomia batzordeko zinegotziak, eta Ainhoa Amundarain Behemendi Landa Garapenerako Elkarteko ordezkariak.
Alkateak azaldu moduan, aurtengoan 14 erakusmahai izango dira dira azokan.

Horietan guztietan, mota askotariko lore eta landareak izango direla gaineratu nahi izan zuen Behemendi Elkarteko ordezkari Ainhoa Amundarinek; "kapo zein barruko lore eta landareak, haziak, sukaldaritzarako eta kosmetikarako belarrak, eta beste hainbat lore eta landarek atonduko dute Okendo plaza.

Haurrentzako tailerrak

Etxeko haur eta gazteenek ere izango dute azokaz gozatzeko aukera bat baino gehiago. Antolatzaileek jakitera eman duten moduan, haurrentzako tailerrak izango dira azokan, horrela. landareez eta loreez zertxobait gehiago ikasi ahal izango dute gerturatzen direnek.

Tailer horien egitarauari dagokionean, goizeko 11:00etatik 12:00etara izango da lehena. 

Horretan, lore prentsatuekin eskulanak egiteko tarte ederra izango da.

Bigarren tailerra berriz, lehena amaitutakoan hasiko da, 12:00etan eta honek ere ordubeteko iraupena izango du. Honetan, landaketaz ikasi ahal izango dute gaztetxoek.

Tailer hauekin batera, azokak iraun bitartean jolasak ere izango direla jakinarazi dute antolatzaileek.

Agerraldiaren amaieran herritarrak animatu nahi izan zituzten biharko azokara hurbildu eta gozatzera.

ARGAZKIAK
blog comments powered by Disqus
OHARRAK
  • Intza elkartearen Batzar Orokorra
    Intza elkarteak jakinarazten du, otsailaren 4an, igandean ohiko eta ez-ohiko batzar orokorrak antolatu dituela. Lehen deialdia 09:00etan da eta bigarrena berriz, 09:30ean. Elkarteak bazkide guztiei deia egiten die batzarrera hurbiltzeko.
  • Eskalada doan, Pio Barojan
    Lasarte-Oriako Udal Kirol Zerbitzuak eskaladan hasteko saio berezia antolatu du 2006, 2007, 2008 eta 2009an jaiotako neska-mutilentzat. Jardunaldia urtarrilaren 27an egingo da, arratsaldeko 16:00etan, Donostiako Pio Baroja kiroldegian. Interesa duten pertsonek Maialen Chourraut kiroldegian eman beharko dute beraien izena. Plaza kopurua mugatua denez, izen-emate zerrenda errespetatuko da. Jarduera doan izango da udal kirol instalazioen bazkideentzat.
  • Mus txapelketa
    Euskal Herriko X. Mus Txapelketako Lasarte-Oriako fasea jokatuko da urtarrilaren 26an, Xirimiri elkartean. Egun horretan bertan, elkartera izen ematera gerturatzen direnek momentuan jokatuko dute kanporaketa, eta bertan irabazle suertatzen direnek Gipuzkoako txapelketarako pasea lortuko dute. 20 euroko kostua (bikoteko) izango du izen emateak.
  • Biyak Bat elkartearen batzar orokorra
    Biyak Bat elkarteak jakinarazten du, urtarrilaren 27an, larunbata 2017 urteari dagokion batzar orokorra egingo duela. Lehen deialdia 17:30ean da eta bigarrena berriz, 18:00etan. Elkarteak bazkide guztiei deia egiten die batzarrera hurbiltzeko elkartearen egoeren berri izan dezaten.
  • Odol ateratzea
    Hilabeteko azken astelehenean, urtarrilaren 29an, eman ahal izango da odola Osasun Zentroan, 17:30etik 20:30era. Anima zaitezte, odola ordezkaezina da eta odol falta dago!
Lasarte-Oria
Gaur ez dago ekitaldirik Lasarte-Orian.
ZORION AGURRAK
SAIOA
Ondo pasa zure bederatzigarren urtebetetzean, zure gurasoen eta Iker anaiaren partetik.
AZKEN PDFa
1407 ( Urtarrilak 19 )
GUARDIAKO FARMAZIAK
Gandarias-Uribe ( Asteazkena)
IƱigo de Loyola 9
Tel: 943 019521
ASTEA
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Lasa ( Astelehena )
      Kale Nagusia 42 atzea
      943 361774
    • Gil ( Asteartea )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48