Ostadar SKT-ko bazkideek bultzatuta, klubak 'Kongoren Aldeko Mugikorra' kanpainaren alde aritzeko konpromisoa hartu du. Alboan GKE-arekin sinatu dute hitzarmena, eta bulegoan erabiltzen ez diren sakelako telefonoak jasoko dituzte.
18:00etatik 20:00tara utzi daitezke Ostadar SKT-ko bulegoetan, mugikorrak erabiltzeko moduan egon ala ez.
Hiru helburu ditu ekintza honek. Batetik, jasotako mugikorren birziklatzearekin lortutako dirua Kongoko ekialdea laguntzeko bideratuko da. Ingurigiroa zaintzeko ere balioko du ekimenak. Erabiltzen ez diren telefono horiei kutsakorra ez den erabilpena emango zaie -berrerabiltzea eta birziklatzea. Azkenik, kontsumo arduratsua sustatu nahi dute, fabrikazioak sortutako eragin anbientala murriztuz.