Istripu txiki bat gertatu da gaur eguerdian Milla higiezinen agentzian, Sancho tabernaren alboan. Jolasten ari zela, neskato txiki bati harrapatuta geratu zaio eskua dendan daukaten papera birrintzeko makinan. Istripua ez da larria izan zorionez, neskak ez duelako inolako zauririk. Sustoa besterik ez da izan azkenean.
Suhiltzaileak, anbulantzia, udaltzainak eta ertzainak hurbildu dira gertakariaren gunera. Hainbat herritar ere gerturatu dira ingurura. Neska nola zegoen ikusi ostean, papera birrintzeko makina moztu dute suhiltzaileek eta neskatoaren eskua ateratzea lortu dute.