Herritarrak mobilizatzera deitu ditu Sarek
Atzo anbulatorioaren aurrean agerraldia egin zuen herriko Sarek. Herritarrak martxoaren 25ean Bagoaz-ek deitzen duen mobilizazioan, zein Gasteizen apirilaren 8an egingo den manifestazio orokorrean parte hartzera dei egin zuten.

Lasarte-Oriako Sarek agerraldiaren hasieran larriki gaixo dauden presoen egoera aipatu nahi izan zuen. Ixiar Arteagaren hitzetan “azken asteetan , arrazoi ezberdinak medio, larriki gaixo dauden euskal presoen gaia berriro albiste izan da”. Azaldu zuenez, Jaiki Hadi elkartearen azken txostenak “preso hauen kopuruak eginiko igoera ikaragarria nabarmentzen zigun, 22 euskal preso direlarik jada zerrenda hau osatzen eta 13 izanik zerrenda hau publikoki osatzen duten izen-abizenak”. Horretaz gain, “Aitzol Gogorza, Ibon Iparragirre, Manu Azkarate eta Oier Gomezen egoerak direla eta, alarma guztiak piztu dira eta hainbat herrietan aldarrikapen ekimen ezberdinak antolatu ditugu”. Azkenik azaldu zutenez, “gizatasunik gabeko IIPP espetxe erakundearen barne zirkular baten berri ere jakin izan dugu”.

Arrazoi hauek direla eta, “gizartearen aktibazio eta mobilizazio jendetsu baten premia dagoelakoan gaude”. 2016 bukaeran, eritasun larriekin espetxean zeuden euskal presoak 11 ziren eta egun 13 dira. “Azken asteetan Aitzol Gogorza eta Manu Azkarate ospitalizatuak izateak; Ibon Iparragirre birritan erasotua izateak edota aita bere alboan hiltzen ikusi ondoren, inolako artatze medikurik gabe Madrilera urruntzeak kezka eragiten digu. Hala ere, gaur Oier Gomez-en egoera larria nabarmendu nahi dugu. Oierren bizia arriskuan da . Metastasidun tumore txarra du eta bete egoerak mediku zaintza handia eskatzen duela azpimarratu dute. Presondegian egotearekin batera ezina dela dio mediku txostenak”.

Bestalde, aipatutako IIPP espetxe erakundearen barne zirkularrak “gure kezka gehiago areagotzen du bertan larriki gaixorik dauden euskal presoak, soilik heriotzaren atarian aurkitzean askatuko dituztela adierazten da”. Gogor salatu zuten azken hau.

Horrela izanda, herritarrak mobilizatzera deitu zituzten eta apirilaren 8an Sarek Gasteizen 17:30ean egingo duen mobilizazio orokorrean parte hartzera “Larriki gaixorik dauden euskal presoak etxera” lelopean.

Bestalde, martxoaren 25ean Bagoaz-ek deitzen duen mobilizaziora joateko autobusak eskualdetik aterako dira eta dagoeneko izena ematea dago Ilargi tabernan.

Mobilizazio gehiago egongo direla iragarri zuten Sareko kideek.

ARGAZKIAK
blog comments powered by Disqus
OHARRAK
  • Akats zuzenketa
    Egun hauetan EH Bilduk 2017ko udal aurrekontuen exekuzio mailari buruz buzoneatu duen eskuorrian oker bat eskapatu zaigu azkenengo paragrafoan. Bertan, Ahal Du Lasarte-Oria Puede alderdiak 2017ko Udal Aurrekontuen aldeko bozka eman zuela esaten da. Ez da horrela, ez zuen aldeko bozka eman. ADLOP abstenitu egin zen. 2016ean izan zen aldeko bozka ematea, eta hortik gure nahasketa. Zintzoki akatsa onartu eta sortutako kaltearengatik ADLOP-ri barkamena publikoki eskatzea dagokigu eta horrela egiten dugu ohar honen bidez.
  • Kirol instalazioen ordutegia San Pedro jaietan
    San Pedro jaietan kirol instalazioek ordutegi berezia izango dute. Ekainaren 28an, osteguna, igerilekua 9:00etatik aurrera itxita egongo da; Maialen Chourraut kiroldegi osoa, berriz, arratsaldean itxiko dute. Ekainaren 29an eta 30an, ostirala eta larunbata, Maialen Chourraut kiroldegia itxita egongo da.
  • Sorgin Dantza entsegua ekainaren 26an
    Sorgin Dantzako antolatzaileek jakitera ematen dute, ekainaren 26an, asteartea, entsegua izango dela. Ohi bezala saioa arratsaldeko 20:00etan hasiko da Okendo plazan. Eguraldi txarra eginez gero, Landaberri-Garaikoetxea ikastetxean egingo da.
  • Odol ateratzea
    Hilabeteko azken astelehenean, ekaianren 25an, eman ahal izango da odola Osasun Zentroan, 17:30etik 20:30era. Anima zaitezte, odola ordezkaezina da eta odol falta dago!
Lasarte-Oria
Gaur ez dago ekitaldirik Lasarte-Orian.
ZORION AGURRAK
LOREA
Zorionak printzesa zure zazpigarren urtebetzean, aitatxo, amatxo, eta Oihanaren partez. Asko maite zaitugu!!!
AZKEN PDFa
1427 ( Ekainak 22 )
GUARDIAKO FARMAZIAK
Acha-Orbea ( Igandea)
Hipodromo etorbidea 6
Tel: 943 363549
ASTEA
    • Lasa ( Astelehena )
      Kale Nagusia 42 atzea
      943 361774
    • Gil ( Asteartea )
      Kale Nagusia 24
      943 361529
    • Acha-Orbea ( Asteazkena )
      Hipodromo etorbidea 6
      943 363549
    • Gandarias-Uribe ( Osteguna )
      IƱigo de Loyola 9
      943 019521
    • Urbistondo ( Ostirala )
      San Frantzisko 1
      943 366567
    • Urbistondo ( Larunbata )
      San Frantzisko 1
      943 366567
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48