Haur motxiladunei zama arintzeko manifestua
Haur eta nerabeen eskubideen nazioarteko eguna da hurrengo astelehenean, hilaren 20an. Lasarte-Oriako Sarek adierazpen bat prestatu du, eta hezkuntza alorreko norbanakoak deitu ditu atxikitzera. Manuel Lekuona kultur etxean irakurriko dute manifestua. Salatu dute dispertsioa jasaten duten haurrek ondorio kaltegarriak sufritzen dituztela.

Haur eta nerabeen giza eskubideen nazioarteko eguna ospatuko dute datorren astelehenean. 1959. urtetik ospatzen da, Nazio Batuen Erakundearen Batzar Nagusiak haurren eskubide unibertsalak finkatu zituelako egun horretan. Denbora igaro izanagatik, ordea, oraindik lan asko dago egiteko alor horretan. Izan ere, dispertsioak ondorio kaltegarriak sortzen ditu haurren bizitzan eta garapenean. Eta gaztetxoen giza eskubideen urraketa salatzeko, azaroaren 20a baliatu du Lasarte-Oriako Sarek: manifestu bat prestatu dute, eta hezkuntza alorreko norbanakoei deitu diete atxikitzera. lasartekosare@gmail.com helbide elektronikoan eman daiteke babesa, izen-abizenak jarri eta hezkuntza alorrean betetzen den zeregina zehaztuta.

Hurrengo astelehenean irakurriko dute manifestu hori, Manuel Lekuona kultur etxean, 18:00etan. Gero Motxilaren umea filma emango dute, eta Araitz Zubimendirekin solasaldia egingo dute. Goizean Donostiako Psikologia Fakultatean irakurriko dute gurasoak espetxean dituzten haurrei buruzko txostena. Fakultate horretako Fernando Olabarrieta eta Luixa Reizabal irakasleek argitaratu zuten txosten hori 2014ean. Horrela dio ikerketaren zati batek: "Kartzelan dauden gurasoei ezarritako artikuluek eragotzi egiten diete haur eta nerabeei segurtasun emozionala asebetetzea, eta hori lehen mailako beharra da. Eragozpen horiek direla eta, areagotu egiten da garapenean arazoak izateko arriskua. Gainera, haurrek 10 urte betetzean, debekatuta dute elkarbizitza-komunikazioak edukitzea. Adin muga hori arbitrarioa da, ez du oinarri psikologikorik, ez behintzat bizitza-ziklo osoan barrena zientifikoki egiaztatutako psikologia-garapen prozesuarena. Bizitza-zikloa bizitzako lehenengo momentuetan hasten da, eta ez da nerabezaroaren amaieran ere bukatzen".

Egoera horren aurrean, premiazko neurriak aplikatzea eskatu du Lasarte-Oriako Sarek. Batetik, haurrak dituzten gurasoei lege arrunta aplikatzen hastea. Horrek haurrak eta gurasoak denbora gehiagoz elkarrekin egotea ahalbidetuko luke, eta, ondorioz, hutsune horrek haurrengan duen eragina leunduko luke. Bestetik, Sarek ohartarazi du gurasoen %33k zigorraren hiru laurdenak beteak dituztela, eta “automatikoki” euren seme-alabekin etxean beharko luketela. Eta azkenik, eskatu du epaiturik dauden gainontzeko gurasoentzat hirugarren gradua aplikatzea.

Pili Castresana, Ixiar Arteaga eta Joxe Mari Agirretxe Lasarte-Oriako Sareko kideek TXINTXARRI-ri azaldu diotenez, hiru alorretan lan egiten du elkarteak. Giza eskubideen defentsan dute lehentasuna, eta arreta jarria dute dispertsioaren aurka eta preso gaixoak askatzeko borrokan. Bestetik, gatazkaren konponbidea jarri dute indarra, azken helburua lortu ahal izateko: bakea.

Aurretik beste arlotan lan egindakoak dira. Osasun arloa jorratu zuten lehendabizi, preso gaixoen sufrikarioa azaleratzeko. Kultura arloan lan egin zuten gero, kultur eragileekin bilduta, “kartzelaldiak herriarekiko sortutako etena” lantzeko. Orain, hezkuntzan jarri dituzte indarrak: irakasle, guraso, begirale, hezitzaile eta besteekin lan egin dute haur eta nerabeen giza eskubideen aldeko manifestua kaleratzeko.   

ARGAZKIAK
blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • Igerilekua itxita larunbatea
    Igeriketa txapelketa dela eta, datorren larunbatean, urtarrilak 19, arratsaldez, Udal Igerilekua erabiltzaile ororentzat itxita egongo da. Udal kirol instalazioetako abonamendua dutenek Andoaingo Igerilekuak erabili ahal izango dituzte.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
ZORION AGURRAK
BEÑAT
Zorionak politta! Bi muxu handi familia guztiaren partetik!
AZKEN PDFa
1448 ( Urtarrilak 18 )
GUARDIAKO FARMAZIAK
Orue ( Ostirala)
Jaizkibel plaza 2
Tel: 943 362652
ASTEA
    • Lasa ( Larunbata )
      Kale Nagusia 42 atzea
      943 361774
    • Lasa ( Igandea )
      Kale Nagusia 42 atzea
      943 361774
    • Urbistondo ( Astelehena )
      San Frantzisko 1
      943 366567
    • Gandarias-Uribe ( Asteartea )
      Iñigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48