Urteko azken kanpainan sartu da Aterpea, “urte bizi baten” ondoren. Balantze azkar bat egin du Ramon Ormazabal merkatarien elkarteko presidenteak. "Helburua lortu dugu, urte hasieran ezarritako ekintzak egin ditugu; ez dira gutxi izan". Hain justu, urte berezia izan 2018a, 25 urte bete baititu herri dendarien eta ostalarien bilguneak. Halere, oraindik urtea ixteko falta zaizkie ekitaldi batzuk: Gabonetako kanpaina.

Berebizikoak dira Gabonak Aterpearentzat, kontsumoak gora egiten baitu urte amaieran. Horretan laguntzen du Gabonetako argiteriak; hilaren 6an inauguratuko dute. "Ahalegin handia egiten du udalak, Gabonetako giroa bizi ahal izateko". Horrekin lotuta, Zestoa eskura ezazu kanpaina abiatu du dendarien elkarteak; 37 dendatan beste horrenbeste zesto zozketatuko dituzte. "Bakoitzak bere bezeroari partizipazio bat emango dio, eta zesto guztien zozketa egingo da abenduaren 28an, bakoitzak beste estlabezimenduan".

Bestalde, abenduan kanpotik erosketak Lasarte-Orian egin ahal izatea erraztu nahi dute. Urte osoan egiten dute kanpaina hori. "Ordubetez aparkalekuan doan utzi ahalko dute autoa erosketak egiteko". Auzotarrei zein beste herritakoei zuzendua dago eskaintza hori. Gainera, Leku guztietan kultura programarekin jarraituko dute. Abenduaren 14an da hurrengo kontzertua, Brigidatarren komentuaren inguruan. Beste bi kontzertu gehiago izango dira abenduan, 20an eta 28an.

Horrez gain, hilaren 28an eta 29an, txu-txu trena jarriko dute; Okendo plazatik irtengo da, eta herriko kaleak zeharkatuko ditu. Goizez (11:30-14:00) eta arratsaldez (17:00-20:00) arituko da.

Kanpaina mordoa egin ditu Aterpeak urte osoan. Ekintza horien xedea argia da: “Alde batetik, gure bezeroen fideltasuna lortzea, herritarrek Lasarte-Orian gastatzea bultzatzeko”. Bestetik, kultura eta euskara sustatzeko programak lagundu dituzte. “Lasarte-Orian bizi, Lasarte-Orian erosi. Horixe da gure herritarrei helarazi nahi diegun mezua". 2019rako ekintza gehiago aurreikusten ditu elkarteak. Baina Ormazabalek udalarentzako enkargu bat ere utzi du: “Lokal bat behar dugu gure material guztia gordetzeko”.

Lasarte-Oriako Udalari eta Eusko Jaurlaritzako Merkataritza, Kontsumo eta Turismoko sailari eskerrak eman dizkio Ormazabalek, emandako babesagatik. Baina oso present izan ditu ere herriko eragileak. “Herriko elkarteei esan nahi diet haiekin elkarlanean jarraituko dugula, eta eskerrak eman nahi dizkiet horregatik”. Herriko hedabideak ere goraipatu ditu, kanpainak zabaltzen laguntzeagatik. “Oso lan garrantzitsua egiten duzue, gure herritarrekin komunikatzeko tresnak zareten heinean”.

ARGAZKIAK
blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
Lasarte-Oria
Gaur ez dago ekitaldirik Lasarte-Orian.
ZORION AGURRAK
BEÑAT
Zorionak politta! Bi muxu handi familia guztiaren partetik!
AZKEN PDFa
1448 ( Urtarrilak 18 )
GUARDIAKO FARMAZIAK
Urbistondo ( Astelehena)
San Frantzisko 1
Tel: 943 366567
ASTEA
    • Gandarias-Uribe ( Asteartea )
      Iñigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    • Lasa ( Ostirala )
      Kale Nagusia 42 atzea
      943 361774
    • Gil ( Larunbata )
      Kale Nagusia 24
      943 361529
    • Gil ( Igandea )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48