Euskal Inauteri berrituak otsailaren 18an
Egun osoko egitaraua prestatu dute herriko eragile ezberdinek Ttakunek sustatuta. Goizean kalejiraz gozatu ahak izango da eta arratsaldean zubietarrekin egingo dira dantza saioak.

Euskal Inauteriak berrituta datoz. Iaz Ttakunek herriko beste eragileekin batera sustatuta, Euskal Inauterien festa beste modu batera ospatu zuen. Naiara Mujika Ttakuneko kultura dinamizatzaileak azaldu moduan "bada urte bete Euskal Inauterien birformulazioaren lanketan dihardugula. Herrian urteetan ospatu den inauteri tradizional hau gainbeheran zetorren eta berreraikitzeko beharra ikusi zen herritar eta eragile ezberdinek osatzen dugun lan taldetik". Tradizioan oinarritutako inauteriak eguneratzeko ahalegina egin da.

Festa "indartu nahian eta tradizioari eutsiaz, Euskal Inauteriak, Lasarte-Oriako inauterien etorreraren adierazle izatea hartu zen abiapuntutzat". Era berean, "hartzaren esnatzeak iragartzen du eguzkia indartu eta eguna luzatzen hasten den sasoia badatorrela". 

Bestalde, Euskal Inauterien berpizte honek badu beste arrazoi bat. Izan ere, "inauteriek bere eboluzioa izan dute herrian. Udalaren eta elkarte eta eragileen lan onari esker, inauteri arrunten larunbata asko indartu da egun osoko eta gaueko ekitaldi nagusi bihurtuz. Horrek eragin dio igandeko planteamenduari bai parte-hartzaile kopuruari dagokionez, hauen adinean, eta baita, jaia ospatzeko moduan ere” azpimarratu du Mujikak.

Aipatutako egoerari soluzioa eman nahi dio planteamendu berriak, “lehenengo aldaketa datarena da. Inauterien aurrekari bezala planteatzen dugunez, inauteri asteburuko igandean ospatu beharrean, aurreko larunbatean izango da, kasu honetan otsailaren 18an. Era berean, egitaraua indartu eta pertsonaia mitologiko desberdinen parte hartzea eta antzezpena areagotzeko asmoa dugu". Denborarekin, herriko eragile gehiagoren inplikazioa lortzeko erronka dutela esan du Mujikak.

Otsailaren 18rako, egun osoko egitaraua prestatu dute. 11:00tatik 13:00tara herriko hainbat elkarteetatik "Puska bila joango gara kale jiran eta kantuan". Ibilbidea izango da Sagardotegi kalea: Jalgi, Kale Nagusia: Arrieskalleta, Andatza plaza: Xirimiri elkartea, Hipodromo etorbidea Pablo Mutiozabal Kalea, Iñigo de Loiola Kalea: Ttakunenea, Geltoki kale eta Sagardotegi kalea: Intza elkartea.

"Elkarte bakoitzean eztarria frexkatzeaz gain mokadutxoaz goxatzeko aukera izango da".

Arratsaldeko egitarauari dagokionez, Zubietarrekin elkarlanean ariko dira, Zubietako plazan hasiko da ekitaldia 16:00etan. Jarraian, Kalejiran abiatuko dira Hipodromoko zubira iritsi arte. 

Bertan, Lasarte-Oriako herritarrek Zubietarrei dantza eskainiko diete harrera egiteko. Hori 16:30ean izango da. Gonbidapen dantza ostean, Zubietarrek beren erantzuna eskeiniko diete herritarrei eta honekin amaitzeko senidetze dantza egingo dute biek. "Behin senidetzea gauzatuta, herrian zehar kalejiran abiatuko gara". Hipodromo etorbidetik Tajamarreko biribilgunera, hortik Kale Nagusira eta Arkupeko biribilguneraino joango dira dantzan eta Okendo plazan bukatu.

Okendon, 18:30ean, erromeriari ekingo zaio eta bukatzean suaren ekitaldi berritua gauzatuko da. “Gerria astindu ondoren, txokolada egingo da”.

Afari Literarioa

Eguneko egitaraua borobiltzeko ekimenarekin bat egin dute herriko irakurle txokoko lagunek. Horrela izanda, egitarauaren baitan txertatu nahi izan dute eurek antolatutako bertso afari literarioa. Hau 21:30ean izango da Xirimiri elkartean. 

Eider Rodriguez idazlea gai jartzaile lanetan ariko da eta bertsotan Uxue Alberdi, Maialen Lujanbio eta Ane Labaka izango dira. 

Honetan parte hartzeko txartelak aurrez erosi beharko dira Artizar, Ilargi edota Furia Beltza tabernetan 20 eurotan.

ARGAZKIAK
BIDEOAK
blog comments powered by Disqus
OHARRAK
  • Intza elkartearen Batzar Orokorra
    Intza elkarteak jakinarazten du, otsailaren 4an, igandean ohiko eta ez-ohiko batzar orokorrak antolatu dituela. Lehen deialdia 09:00etan da eta bigarrena berriz, 09:30ean. Elkarteak bazkide guztiei deia egiten die batzarrera hurbiltzeko.
  • Eskalada doan, Pio Barojan
    Lasarte-Oriako Udal Kirol Zerbitzuak eskaladan hasteko saio berezia antolatu du 2006, 2007, 2008 eta 2009an jaiotako neska-mutilentzat. Jardunaldia urtarrilaren 27an egingo da, arratsaldeko 16:00etan, Donostiako Pio Baroja kiroldegian. Interesa duten pertsonek Maialen Chourraut kiroldegian eman beharko dute beraien izena. Plaza kopurua mugatua denez, izen-emate zerrenda errespetatuko da. Jarduera doan izango da udal kirol instalazioen bazkideentzat.
  • Mus txapelketa
    Euskal Herriko X. Mus Txapelketako Lasarte-Oriako fasea jokatuko da urtarrilaren 26an, Xirimiri elkartean. Egun horretan bertan, elkartera izen ematera gerturatzen direnek momentuan jokatuko dute kanporaketa, eta bertan irabazle suertatzen direnek Gipuzkoako txapelketarako pasea lortuko dute. 20 euroko kostua (bikoteko) izango du izen emateak.
  • Biyak Bat elkartearen batzar orokorra
    Biyak Bat elkarteak jakinarazten du, urtarrilaren 27an, larunbata 2017 urteari dagokion batzar orokorra egingo duela. Lehen deialdia 17:30ean da eta bigarrena berriz, 18:00etan. Elkarteak bazkide guztiei deia egiten die batzarrera hurbiltzeko elkartearen egoeren berri izan dezaten.
  • Odol ateratzea
    Hilabeteko azken astelehenean, urtarrilaren 29an, eman ahal izango da odola Osasun Zentroan, 17:30etik 20:30era. Anima zaitezte, odola ordezkaezina da eta odol falta dago!
Lasarte-Oria
Gaur ez dago ekitaldirik Lasarte-Orian.
ZORION AGURRAK
IRATI
Zorionak maitia zure urtebetetzean!! Ondo pasa eta 9 muxu goxo!!
AZKEN PDFa
1407 ( Urtarrilak 19 )
GUARDIAKO FARMAZIAK
Gandarias-Uribe ( Asteazkena)
IƱigo de Loyola 9
Tel: 943 019521
ASTEA
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Lasa ( Astelehena )
      Kale Nagusia 42 atzea
      943 361774
    • Gil ( Asteartea )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48