Eskualdeko EH Bilduko hautetsiek GHK-ko buru ohiei babesa helarazi diete, eta EAJri eta PSEri eskatu diete “mendekuaren bidea” eteteko
Erraustegiaren proiektua geldiarazi zutelako, bide judizialetik jo du Gipuzkoako Hondakinen Kontsortzioak Ainhoa Intxaurrandietaren eta Iñaki Errazkinen aurka. “Mendeku gosea dute”, salatu dute hautetsiek.

Eskualdeko EH Bilduko hautetsiek EAJko eta PSEko agintariei eskatu diete “mendekuaren bidea” eteteko, aurreko GHK Gipuzkoako Hondakinen Kontsortzioak “erabaki ausartak eta zilegitasun osokoak” hartu zituelako, “kanpainan adierazitakoa kontuan hartuz”. Lasarte-Orian bildu dira eskualdeko EH Bilduko ordezkariak, GHKko presidente ohi Ainhoa Intxaurrandieta eta GHK-ko kide eta Ingurumen diputatu ohi Iñaki Errazkin babesteko. Egungo GHK-k salaketa jarri du horien aurka, erraustegiaren proiektua geldiarazten saiatu zirelako. Villa Mirentxun hautetsien adierazpena irakurri dute Pablo Barrio eta Mertxe Aizpurua ordezkariek, eskualdeko hautetsi eta hautetsi ohiak atzealdean zituztela.

Erraustegia “finantza erakunde eta eraikuntza enpresa handien mesedetan” eginiko proiektua da, EH Bilduren ustetan. Eta hautetsiek oroitarazi dutenez, proiektuaren aurka kanpaina eginda irabazi zituen koalizioak 2011ko maiatzeko udal eta foru hauteskundeak. Hain zuzen, 2011n kargua hartu baino astebete lehenago, erraustegiaren proiektua FCC enpresari esleitu zioten, “presaz eta modu ilunean”, EH Bilduren hitzetan.

2013ko azaroan bertan behera utzi zuen aldundiak erraustegia egiteko kontratua, kontratistak eta GHK-k eginiko akordioari esker. Erabaki horregatik nahi dituzte orain zigortu Intxaurrandieta eta Errazkin. “EAJk eta PSEk zerbait argi uzten badute, elite ekonomikoekiko duten mendekotasuna da. Argi geratu da ez dutela eskrupulurik haien intereseko makroproiektuetan oztopo izan daitezkeenei erasotzeko. Eta hori mendeku gosea besterik ez da”, salatu dute EH Bilduko hautetsiek. 

 

ARGAZKIAK
blog comments powered by Disqus
OHARRAK
  • Hernani bidea itxiko dute
    Aurrera doaz Zabaleta Berriko lanak. Jarraitzeko, ordea, Hernaniko bidea itxiko dute. Lanen zuzendariak Txintxarri-ri azaldu dionez, hurrengo astetik aurrera itxiko dute bide hori. Hain zuzen, Pepenea baserria eta Hernaniko muga bitartean egongo da itxita. Baimena eskatu dute dagoeneko udalean, eta jaso bezain pronto itxiko dute errepidea. Ondorioz, astelehenean edo, beranduenez, asteartean ezin izango da errepide hori erabili. Bide alternatiboak jakinarazteko seinaleak jarriko dituzte. Hilabete pare bat behintzat egongo da itxita. Lanetako zuzendariak azaldu duenez, baimena iraila bukaera arte eskatu dute, baina litekeena da lehenago amaitzea.
AZKEN PDFa
1429 ( Uztailak 13 )
GUARDIAKO FARMAZIAK
Urbistondo ( Osteguna)
San Frantzisko 1
Tel: 943 366567
ASTEA
    • Orue ( Ostirala )
      Jaizkibel plaza 2
      943 362652
    • Acha-Orbea ( Larunbata )
      Hipodromo etorbidea 6
      943 363549
    • Acha-Orbea ( Igandea )
      Hipodromo etorbidea 6
      943 363549
    • De Miguel ( Astelehena )
      Kale Nagusia 32
      943 371151
    • Lasa ( Asteartea )
      Kale Nagusia 42 atzea
      943 361774
    • Gil ( Asteazkena )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48