Erraustegiaren osasun arriskuak, agerian
Bi zientzialarik txosten bat aurkeztu dute Donostiako Medikuen Elkargoan, eta bere garaian erraustegiari eman zitzaion baimenaren gabeziak azaleratu dituzte. Haien arabera, baimen horrek ez du azpiegituraren inguruko herritarren osasuna bermatzen

Hitzartu prozesua martxan da, eta hasi dira dagoeneko informazio fasearekin. Hasiera honetan osasunaren gaiari heldu diote, eta adituak ekarri dituzte erraustegiaren arriskuei buruz hitz egiteko. Joan den astean CSIC Espainiako Zientzia Ikerketen Kontseilu Nagusiko Fernando Palacios eta Eduardo Rodriguez Farre izan ziren Donostiako Medikuen Elkargoan;  Zubietako erraustegiari eman zitzaion baimenak dituen gabeziak bistaratu dituzte txosten batean. Haien arabera, hondakinak erretzeko azpiegiturak ez du inguruko herritarren osasuna bermatzen. Elkargoan aurkeztu dute txostena, baina ibilbide luzeagoa izatea espero dute; GuraSOS elkarteak EAEko Justizia Auzitegi Nagusian aurkeztuko du.  

GuraSOS elkarteak bultzatu du Hitzartu, hurrengo urteetarako hondakinen kudeaketa plan bat adosteko helburuz. Parte hartze prozesua hasi aurretik lau ardatz jorratuko dituzte: osasuna, demokrazia, ekonomia eta hondakinen kudeaketaren beste ereduak. Hain zuzen, GuraSOSek  eskatuta egin dute txostena  Espainiako bi ikerlariek, "inongo ordainsaririk gabe".  

Uste dute bere garaian erraustegiaren eman zioten Baimen Integralak badituela hutsune batzuk."Zubietako erraustegiari 2016ko apirilaren 11n emandako oniritziak ez ditu kontuan hartu hondakinen eta lohien errausketaren ondorioz sortzen diren hainbat substantzia kutsatzaile", esan du Joseba Belaustegik, GuraSOS elkarteko kide eta abokatuak. 

Palacios ikerlariak argi hitz egin du: "Baimenak araudia urratzen du, ez baita sortuko diren konposatu kaltegarrien zerrenda zorrotza eta osatua egin".  Farre epidemiologoak, berriz, nabarmendu du konposatu kaltegarrien emisioei mugak jartzea ez dela nahikoa. "Ez du bermatzen kalteak saihestea". 

ARGAZKIAK
blog comments powered by Disqus
OHARRAK
  • Texas Lasartearraren infantilen deialdia
    Texas Lasartearra futbol taldeak 2004. eta 2005. urtean jaiotako haurrei deialdia egiten die 2018-2019 denboraldiko infantil mailako taldea osatzeko. Saioak ekainaren 5, 6 eta 7an izango dira Michelingo futbol zelaian, 17:00etatik 18:30era. Informazio gehiago texaslasartearra@gmail.com helbidean edo 646 197 292 telefonoan eskuratu daiteke.
  • Compak Sporting txapelketa
    Buruntz-Azpi ehiza elkarteak Compak Sporting txapelketa antolatu du ekainaren 3an, igandea, Arkalen. Izena eman nahi duten bazkideek elkartean egin dezakete.
  • 50. urteurreneko emanaldia
    Urriaren 20an, Erketzek 50. urteurreneko emanaldia eskainiko du. Hau prestatzen hasteko asmoz, taldeko kide izan diren dantzariei bilera batera gonbidatu nahi die dantza taldeak. Bilera maiatzaren 31an, osteguna, 19:30ean da, Manuel Lekuona Kultur etxean.
  • Odol ateratzea
    Hilabeteko azken astelehenean, maiatzaren 28an, eman ahal izango da odola Osasun Zentroan, 17:30etik 20:30era. Anima zaitezte, odola ordezkaezina da eta odol falta dago!
Lasarte-Oria
Gaur ez dago ekitaldirik Lasarte-Orian.
ZORION AGURRAK
SERGIO
Zorionak Sergio!! Bost muxu handi zure familia guztiaren partetik. Asko maite zaitugu.
AZKEN PDFa
1423 ( Maiatzak 25 )
GUARDIAKO FARMAZIAK
Urbistondo ( Astelehena)
San Frantzisko 1
Tel: 943 366567
ASTEA
    • Acha-Orbea ( Asteartea )
      Hipodromo etorbidea 6
      943 363549
    • Gil ( Asteazkena )
      Kale Nagusia 24
      943 361529
    • Gandarias-Uribe ( Osteguna )
      IƱigo de Loyola 9
      943 019521
    • Orue ( Ostirala )
      Jaizkibel plaza 2
      943 362652
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48