Erantzutea besterik ez da falta
Maiatzaren 7an Lasarte-Oriara iritsiko den olatuak ez du galdera bakarra ekarriko erantzuteko, bi baizik. Lasarte-Oriako Gure Esku Dago egitasmoko Loratu taldeak aurkeztu ditu gaur Brigitarren plazan, hainbat herritarren aurrean.

'Erabakitzeko dagokizun eskubidea erabili nahi al duzu interes publikoko gaietarako?'. Hori izango da lasarteoriatarrek maiatzaren 7an erantzun beharko duten lehenengo galdera, baina ez bakarra. Aurreneko horretan baiezkoa emanez gero, honako hau etorriko da gero: 'Zure erantzuna baiezkoa bada, izan nahi al duzu euskal estatu burujabe bateko herritarra?'. 

Azken hilabeteetan gogotik lan egin eta hausnartu ondoren, Lasarte-Oriako Gure Esku Dago dinamikako 'Loratu' taldeak gaur eguerdian aurkeztu ditu hemendik bi hilabete eskasera herritarrek erantzun ahal izango dituzten galderak, Brigitarren plazan, hainbat herritarren aurrean. Maider Segurola kazetariak aurkezpen txiki bat egin du aurrena. Ondoren, ekitaldira bertaratutakoek 'Txoria txori' abesti ezaguna kantatu dute. 

Sarreratxo txiki horren ostean, batzorde sustatzaileko kide Jose Carlos Carrasco eta Bea Egizabalek hartu dute hitza, maiatzaren 7rako bi galdera horien hautaketa prozesua azaltzeko. Ondoren, banan bana, hainbat herritar gerturatu dira Brigitarren komentuko hesietako batean zegoen panel erraldoiarengana, banan bana bi itaunak estaltzen zituzten 'Erabaki' plakatxoak kendu eta bi galderak agerian uzteko. Kendutako plakatxo horiek hautestontzi erraldoi batean sartu dituzte.

Aurkezpen ekitaldia bukatzeko, denak elkartu, 'Erabaki' plakatxoak eskuetan hartu eta talde argazki erraldoia atera dute, erakutsiz Lasarte-Oria prest dagoela erabakitzeko eskubidearen aldeko olatuan murgiltzeko. Maiatzaren 7an iritsiko da aipatu olatu hori herrira. Galderak erantzutea besterik ez da falta.

'Loratu' taldearen bilgunea

Gure Esku Dagoko kideek jakinarazi dutenez, Kale Nagusiko 16.ean dagoen apaiz etxeko lokalean bilduko da 'Loratu' taldea hemendik aurrera. Ordutegiak hauek izango dira: asteazkenetan, 12:00etatik 13:00era; ostegunetan, 18:30etik 20:00etara; ostiraletan 12:00etatik 13:30era eta 18:30etik 20:00etara; eta, larunbatetan, 12:30etik 13:30era.

ARGAZKIAK
blog comments powered by Disqus
OHARRAK
  • Zubietako Udako Txokoak
    Zubietako Guraso Elkarteak udararako haur txokoak antolatuko ditu Zubietan, 2 eta 12 urte bitarteko haurrei zuzenduak. Txokoetan parte hartzeko, uztailaren 27ra arte aurretiko izen emate epea zabalik dago. Interesatuek zubietatxoko@gmail.com helbidera idatzi edo 649659786 telefonora dei dezakete.
  • Biyak bat elkarteko gizonen ileapaindegia martxan
    Biyak Bat elkarteak jakinarazten du, gizonezko ileapaindegi zerbitzua martxan dela. Ileapaindegiaren ordutegia honakoa da: astelehenetik ostiralera, goizez 10:00etatik 13:00etara eta arratsaldez, 16:00etatik 18:00etara.
  • Aterpea 25. urteurreneko afaria
    Aterpea Merkatari elkarteak 25. urteurrena ospatzen ari da. Ospakizunen artean, maiatzaren 19an, afaria antolatu du Maialen Chourraut kiroldegian. Ostean, dantzaldia izango da, Ibai Berriak taldeak girotua. Tiketak 40 euro balio ditu eta maiatzaren 12ra arte izango dira salgai elkarteko dendetan.
  • Galizia eta Portugalera bidaia
    Biyak Bat elkarteak bidaia antolatu du Galizia eta Portugaleko iparraldera, maiatzaren 27tik ekainaren 5ra. Elkarteko bazkideek 530 euro ordaindu behar dituzte; bazkideak ez direnek, berriz, 580 euro. Izena ematea elkarteko bulegoan egin behar da astelehenetik ostiralera 10:30etik 12:30era.
Lasarte-Oria
Gaur ez dago ekitaldirik Lasarte-Orian.
AZKEN PDFa
1418 ( Apirilak 20 )
GUARDIAKO FARMAZIAK
Urbistondo ( Osteguna)
San Frantzisko 1
Tel: 943 366567
ASTEA
    • Gil ( Ostirala )
      Kale Nagusia 24
      943 361529
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Acha-Orbea ( Astelehena )
      Hipodromo etorbidea 6
      943 363549
    • Lasa ( Asteartea )
      Kale Nagusia 42 atzea
      943 361774
    • Gandarias-Uribe ( Asteazkena )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48