Biyak Bateko hezetasun arazoak, udalbatzarrean
Biyak Bat zaharren egoitzako terrazako hezetasun arazoei aurre hartzeko erabakia hartu du Lasarte-Oriako udal gobernu taldeak. Urte luzeetako arazoa da elkartea jasaten ari dena, baina ez du irtenbide errazik. Aurrekontuen diru sorta onartu dute obrak aurten lizitatzeko

Hilabeteko bigarren asteartean bildu ohi dira udal gobernu taldeak udalbatzarrean. Urte berriaren hasierarekin ere horrela egin dute: asteartean egin zen ohiko udalbatzarra. 18:30ean eman zioten hasiera. PSE eta PP alderdiek elkarrekin sinatutako mozioa zen gai ordenean aurreikusitako puntu bakarra, Biyak Bat jubilatuen etxeko hezetasun arazoen ingurukoa, baina eztabaidarako nahikoa eman zuen gaiak.
Alderdi Popularreko zinegotzi Alejandro Saenzek ekarri du gaia mahai gainera. Biyak Bat elkarteko terrazak hezetasun arazoak dituela, eta horiekin amaitzeko behin betiko irtenbide bat bilatu behar dela argudiatu du. PSEk bat egin du PPrekin, eta elkarrekin mozio trantsazional bat ekarri dute udalbatzarrera. 

Bertan, bi alderdiek eskatu dute 2018ko udal aurrekontuetan diru sorta bat, egoitzako arazoa konpontzeko. Bestalde,  konponketen lizitazioa ere urte honetan gauzatzearen alde agertu dira.

Mozioak eztabaida luzea ekarri du, baina  aldeko hamabi botorekin (PP, PSE, EAJ eta ADLOP) aurrera egin du. EH Bilduk abstentzioaren alde egin du. Egoitzako arazoa konpondu behar dela ados dago alderdia, baina momentu honetan hori argitara ateratzea "protagonismo politikoa" dela argudiatu dute. 

Galdera eta erreguak
Behin batzarreko mozioa onartu eta alderdi bakoitzak boto azalpenak emanda, galdera eta erreguak egiteko tartea zabaldu da. Alderdi ia guztiek egin dizkiote galderak Jesus Zaballos alkateari. Aurtengo udal aurrekontuen ziborroaz, herriko kaleetako argiteriaz, futbol zelaiaz, lurpeko zaborrontziez eta elkarteek lokalen inguruan egindako eskaerez galdetu diote udal zinegotziek PSE-EEko alkateari.

ARGAZKIAK
blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • Igerilekua itxita larunbatea
    Igeriketa txapelketa dela eta, datorren larunbatean, urtarrilak 19, arratsaldez, Udal Igerilekua erabiltzaile ororentzat itxita egongo da. Udal kirol instalazioetako abonamendua dutenek Andoaingo Igerilekuak erabili ahal izango dituzte.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
ZORION AGURRAK
ARATZ
Zorionak txapeldun!! Primeran pasa zure egunean. 9 muxu haundi ama, aita eta Aiurren partetik.
AZKEN PDFa
1448 ( Urtarrilak 18 )
GUARDIAKO FARMAZIAK
Orue ( Ostirala)
Jaizkibel plaza 2
Tel: 943 362652
ASTEA
    • Lasa ( Larunbata )
      Kale Nagusia 42 atzea
      943 361774
    • Lasa ( Igandea )
      Kale Nagusia 42 atzea
      943 361774
    • Urbistondo ( Astelehena )
      San Frantzisko 1
      943 366567
    • Gandarias-Uribe ( Asteartea )
      IƱigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48