Areto futboleko taldeek, zorterik ez
Areto futboleko taldeek ez dute asteburu ona izan, jubenilen taldeak izan ezik. Denboraldiko lehen partidan, Jubenil mailako Bar Lasarte taldeko gazteek garaipena lortu dute.

Hirugarren mailako Eguzki taldeak Internacionalen aurka jokatu zuen hirugarren jardunaldian. Lehenengo minutuetan bi taldeak indarrak neurtzen egon ziren. Baina Luisek Interreko defentsaren hutsegite batez baliatuz, 0 eta 1ekoa jarri zuen markagailuan.

Golak ez zien lasaitasunik eman. Baloi galdu batean Interrek berdinketa lortu zuen. Eguzkik asko sufritu zuen eta Lasarte-Oriako taldearen bi hutsegiteen ondorioz, Interrek markagailuari buelta eman zion: 3-1

Bigarren zatian gogotsu atera zen Eguzki, eta zazpi minutuz Inter taldea menderatzea lortu zuen, markagailuko aldea murriztuz. Baina beste hankasartze batek Lasarte-Oriako taldea kondenatu zuen. Gol horrekin etsi egin zuten futbolariek, eta jarraian bosgarrena eta seigarrena jaso zuten. Azken unean etsi-etsian ekin zioten, atezain-jokalariarekin, eta beste gol bat jaso zuten, zortzigarrena. Azken amorruzko ekinaldi batean 8-3koa jarri zuen Eguzkik.

Ostegunean hitzordu garrantzitsua taldeak, Gipuzkoako Kopan arituko baitira Euskaldunaren aurka.

Senionerreko beste taldeek ere ez zuten zorterik izan. Ventanas Isu Leihoak taldeak 3-7 galdu zuen The Nest Zerbezeria Hirukide ikastetxearen aurka. Ostegunean ere partida garrantzitsua du taldeak kopan, Ataun Troskaetaren aurka.

Hain zuzen, Cecilia Frutadenak Ataungo taldearen aurka galdu du jardunaldi honetan (4-3). Partida ona jokatu zuten, baina azken unean galdu egin zuten. Areto futbolean eskarmentu gutxiko jendeko taldea osatu arren, ongi aurre egin zioten Ataungo talde prestatuari. 

Jubenilen garaipena

Jubenilek ederki hasi zuten denboraldia, kanpoan garaipena erdietsiz: 4-6. Arantzazuko Ama ikastolaren aurka lehen zatia eskasa izan zen. Kokapen  akats asko egin zituzten Bar Lasarteko kideek, eta, atsedenaldian,  markagailuak 4-2koa erakusten zuen etxekoen alde.

Bigarren zatian, berriz, Bar Lasarteko gazteek buelta eman zioten partidari. Zelaian ongi kokatu ziren lasarteoriatarrak, eta jarrera trebea izan zuten.  Arantzazuko Ama ikastolak ezin izan zituen erasoak gelditu, eta  lautan baloiak sarean amaitu zuen.

Era honetara, Bar Lasartek denboraldiko lehen hiru puntuak eskuratu zituen, eta sailkapeneko buruan da, Anoeta, Zarautz, Summa Aldapeta, Goierri, Lauburu Ibarra eta Laskorainekin batera.

Kadeteak

Eguzki Balerdi Harategiko kadeteek partida gogorra jokatu zuten Ibarrako Laubururen aurka. Etxeko taldeak trebatuagoa dagoela erakutsi zuen. Lehen zatian galdu zituzten lasarteoriatarrek aukera guztiak 10-0ekoa jarrita erabakita utzi baitzuen partida Ibarrak. Bigarren zatian hobe jokatu zuten, baina 16-1eko aldearekin amaitu zen partida.

 

 

 

ARGAZKIAK
blog comments powered by Disqus
OHARRAK
  • Odol-ateratzearen egun aldaketa
    Lasarte-Oriako odol emaileen elkarteak ohartarazten du, hilabete honetan azken astelehena Eguberri eguna izanik, odol-ateratzeen eguna aurreratzen dela. Hilabete honetako hitzordua, beraz, abenduaren 22ean, ostirala izango da. Beti bezala Osasun Zentroan eman ahal izango da odola, 17:30etik 20:30era. Anima zaitezte, odola ordezkaezina da eta odol falta dago!
  • EHP sarreren salmenta eta taberna kudeatzeko gonbidapena
    Lasarte-Oriako Udalak herriko irabazi-asmorik gabeko elkarte eta entitateak (kirol-taldeak eta kultura-taldeak, elkarte solidarioak, etab.) abenduan Michelingo frontoian antolatu ohi den Eguberrietako Haurren Parkeko (EHP) sarreren salmentaren eta tabernaren kudeaketan parte hartzera gonbidatzen ditu. Hautatutako taldearen erantzukizuna izango da EHPko sarreraren kontrola bezala tabernaren kudeaketa ere EHPa irekita dagoen orduetan. Salmentarako sarrerak (helduek, euro batean) Gazteria, Festak eta Kirolak departamentutik emango dira zuzenean. Tabernaren kudeaketak haren horniketa eta ustiaketa inplikatuko du, eta lortutako irabaziak, berriz, hautatutako taldearentzat izango dira osorik. Oraingo honetan, aukera izango da sarreren kudeaketaz bakarrik arduratzeko. Laneko egunak 9 izango dira, eta Interesaturik dauden talde eta entitateek aldez aurretik justifikatu beharko dute hura kudeatzeko gaitasun eta pertsonal nahikoa badaukatela. Prozedura honako hau izango da: Deialdi irekia egingo zaie udalerriko talde eta entitate guztiei. Interesatuek eskaera bat aurkeztu beharko dute abenduaren 14a baino lehen udaletxeko erregistroan. Onartutako eskaera guztiekin lista bat egingo da, eta zozketa eginez zehaztuko da zeinek kudeatuko duen 2017ko Eguberrietako Haurren Parkea. Lortutako zerrenda hori datozen urteetan Eguberrietako Haurren Parkea zein taldek edo entitatek kudeatuko duen erabakitzeko erabiliko da, zerrenda horretan zenbatgarren dauden kontuan izanda.
  • Inauteriak prestatzeko bilera
    Datorren abenduaren 13an, 18:00etan, 2018ko Inauteriak prestatzeko bilera egingo da kultur etxean. Bertan parte izan nahi duten talde guztiak animatzen ditu udalak hurbiltzera
  • San Tomaseko postu eskaera
    San Tomas arratsaldean azoka egongo da Okendo plazan. Honetan Ttakunek jartzen duen talo postu eta txerriaz gain, azken urteetan herriko hainbat elkartek edo norbanakoek txistorra, salda, tortila edo gozokiak saltzen dituzte haien ekimenetarako dirua biltzeko. Azokan parte hartu nahi dutenek, abenduaren 18a baino lehen egin behar dute eskaera. Bi baldintza bete behar dira batetik eguneko giroan txertatzea, hau da, baserritarrez jantzia joan eta postua apaintzea eta bestetik, harrera euskaraz egitea. Postua eskatu nahi dutenek kultura@ttakun.eus-era mezua bidali behar dute.
Lasarte-Oria
Gaur ez dago ekitaldirik Lasarte-Orian.
ZORION AGURRAK
MAITANE
Zure haurtzaroa zurekin eramaten baduzu ez zara inoiz zahartuko. ZORIONAK!!!
AZKEN PDFa
1402 ( Abenduak 1 )
GUARDIAKO FARMAZIAK
Acha-Orbea ( Asteazkena)
Hipodromo etorbidea 6
Tel: 943 363549
ASTEA
    • Urbistondo ( Osteguna )
      San Frantzisko 1
      943 366567
    • Gandarias-Uribe ( Ostirala )
      IƱigo de Loyola 9
      943 019521
    • De Miguel ( Larunbata )
      Kale Nagusia 32
      943 371151
    • De Miguel ( Igandea )
      Kale Nagusia 32
      943 371151
    • Orue ( Astelehena )
      Jaizkibel plaza 2
      943 362652
    • De Miguel ( Asteartea )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48