Lasarte-Oriako Udalak aniztasuna eta elkarbizitza sustatzeko lanean dihardu azken urteetan herriko hainbat elkarte eta eragileekin batera. 2016an Anitzen Sareko herritar eta eragileekin elkarlanean osatutako plangintza aurrera eraman da. Orain, 2017 honetan garatu beharrekoa berriz, adostu nahi da, hau da, aniztasuna eta elkarbizitza sustatzeko lan-ildoak eta ekintzak zeintzuk izango diren zehaztu nahi da. Hori dela eta, 2017an aniztasuna eta elkarbizitza lantzeko plangintza osatu eta zehazteko saiora gonbidatzen eta deitzen du Udalak herritar oro. Bereziki orain arte aritu diren herritar eta eragile ezberdinei deitzen zaien arren, edozeinek parte hartu dezakeela adierazi nahi izan dute udaletik. Astelehenean, arratsaldeko 18:30etan izango da bilera ireki hau Villa Mirentxuko beheko aretoan.