Amaia Gonzalez dantzariak lau garaikur ekarri ditu Europako Txapelketatik
Europako Retro Dantza Txapelketan lehiatu du Lasarte-Oriako dantzariak; tangoan, pasodoblean eta saltsan irabazi du. Horrez gainera, Espainiako Dantza Konbinatuko txapelduna izan da. Jose Mari Orbegozo izan du dantzako bikotekidea

Ibilbide luzea du dantzan Amaia Gonzalez Caballerok, eta garaikur asko irabazitakoa da. Azken txapelketakoak, ordea, badu zapore berezi bat. "Min hartua nengoen, eta azken unean eman genuen izena. Ez dugu astirik izan entseatzeko". Europako Retro Dantzako txapelketan izan da asteburuan dantzari lasarteoriatarra, Fuengirolan (Malaga). Bost kategoriatan aurkeztu da, eta lautan irabazi du, eta bestean bigarren geratu da. Jose Mari Orbegozo izan du dantza bikotekidea. 
Hogei urte daramatzate lehian Gonzalezek eta Orbegozok; urte batzuetako lehortearen ondoren,  azken boladan berriro hasi dira irabazten. "Adinaren araberakoak dira kategoriak. Nire dantzako bikotekidea ni baino hamalau urte zaharragoa denez, urte askotan gaztetxoen aurka lehiatu behar izan dugu; oso desorekatua zegoen lehia", azaldu du Gonzalezek. 
Txapelketak orain ez daude askoz orekatuagoak, baina arrazoia beste bat da: Gonzalezek dena irabazten du. Iazko munduko txapelketan sei garaikur ekarri zituzten herrira.  Asteburu honetan, lau. 
40-50 urte arteko kategorian lehiatu dute, sei modalitatetan. Ondokoetan irabazi dute Europako txapelketa: tangoan, pasodoblean, salsan. Horrez gain, Dantza Konbinatuko Espainiako Txapelketa irabazi dute. Vals, tango eta pasodoble dantzatu behar dute modalitate horretan.  Dantza Konbinatuko Europako Txapelketan, berriz, azpitxapeldun geratu dira. 
"Oso ondo joan zaigu. Minutu eta erdi dantzatu behar izan dugu txapelketan; nahiko erraza da guretzat, eskarmentu handia dugu eta". Txapelketa berezia izan da, hasiera batean ikustera besterik joan behar zuen eta. "Eskerrak Maite Irazusta nire fisioterapeutari".

 
Retro Dantza
Retro Dantza modalitatean estilo tradizionalean dantzatzen dute. "Hiru edo lau bikotek batera dantzatzen dugu, baina musika ez dugu ezagutzen. Alegia, tangoan lehiatzen ari bagara tangoa izango da, noski, baina abestia zein den ez dakigu". Minutu eta erdi inguruz egin behar dute dantza, baina denbora ere ez da beti berbera. "Bikoteak moldatu egin behar du abestiaren luzerara eta erritmora. 
Gainera, ez dizute abestia hasieratik jartzen, sartu egin behar zara, eta askoz ere zailagoa da". Horixe da, hain zuzen, txapelketa berezi egiten duena. "Dantzari oso onak daude, baina ez daude abestian sartzera ohituak, eta denbora osoan erritmoz kanpo dantzatzen dute. Benetako dantza da hori; hor ikusten da dantzariaren trebezia".
Entseguak eta eskolak ditu ia egunero Gonzalezek, eta ezin dizkio asteburuak eskaini lehiaketei. Halere, txapelketako lorpenak garrantzitsuak dira  harentzat, ez bakarrik alor pertsonalean. "Curriculumerako garrantzitsua da. Nire ikasleak harro daude txapelketak irabazten ditudanean". 
Halere, Gonzalezek dio Lasarte-Orian ez dagoela dantza lehiaketetan parte hartzeko grinarik. "50 urtetik gorako kategoria badago txapelketetan. Nik baditut adin horretako ikasleak, eta primeran egingo lukete. Baina hemen ez dago dantzan lehiatzeko ohitura hori".
Badago, ordea, dantza egiteko zaletasun handia. "Hogei bat urte daramatzat Lasarte-Orian, eta beti izan ditut ikasleak. Boladan dago dantza". 
Dantzaren bertuteak ekarri ditu gogora Gonzalezek. Izan ere, ez da ariketa fisiko soila. "Koordinazioa, erritmoaren zentzua, eskolen diziplina... haurrentzako paregabea da.". Halaber, edozeinentzako balio du eguneko arazoak ahazteko. "Dantza egin bitartean ez duzu ezertan pentsatzen". 

ARGAZKIAK
blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
ODEI
Zorionak Odei. Muxu pila bat familia guztiaren partez. Asko maite zaitugu!!
AZKEN PDFa
1444 ( Abenduak 14 )
GUARDIAKO FARMAZIAK
Urbistondo ( Astelehena)
San Frantzisko 1
Tel: 943 366567
ASTEA
    • Gil ( Asteartea )
      Kale Nagusia 24
      943 361529
    • Orue ( Asteazkena )
      Jaizkibel plaza 2
      943 362652
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48