Aldaketa batzuk, eta liga eskuratzeko helburua
Aldaz Hortz Klinikak berdindu egin du Gipuzkoako ligako lehen partidan, Oiartzunen aurka, Lehen Mailan. Babesle berria du taldeak. Gaur izango du etxekoen aurrean lehen norgehiagoka. Garoa tabernak sailkapenaren goiko zatian egoteko xedea du

Aldaketa batzuekin hasi du denboraldia Eguzki Areto Futbolak. Babesleen aldaketa batetik; Aldaz Hortz Klinika itzuli da kirolera, eta Garoa tabernak ere bidea egin nahi du. Bestetik, ordezkaritza bat gutxiago izango du aurten maila gorenean. Izan ere, Espainiako ligako Hirugarren Mailako mutilen taldea desagertu da. Edonola ere, Gipuzkoako ligan ez du gaizki hasi liga Aldazek: berdinketa eskuratu du etxez kanpo, Oiartzunen aurka. Asteburu honetan du estreinaldia etxeko zaleen aurrean. 

"Ez da emaitza txarra. Denboraldiko lehen partida da, eta Oiartzun arerio zuzena da txapelketa eskuratzeko lehian". Gorka Redondok, Eguzkiko kideetako batek, baikortasunez hartu du emaitza. Izan ere, Aldaz Hortz Klinika taldearen helburua txapelketa eskuratzea da. Hiruna berdindu zuten. 

Gaur, ostiralez, jokatuko du etxekoen aurrean lehen partida, Maialen Chourraut kiroldegian. Teep Samaniego Orixe Tolosaldea izango du aurkari. Hiru puntuen bila aterako dira Mikel Escribano eta Javi Vecillaren mutilak.

Ez dira hauek asteburu honetan jokatuko diren partida bakarrak izango. Bigarren mailako ISU Leihoak mutilen taldeak Donostian emango dio hasiera denboraldiari, Gorka Margoak Makax taldearen aurka. "Taldean jende berri asko dago, jubenil taldetik igotakoak gehienak, eta maila berrian nola moldatzen diren ikusi beharko da", esan du Redondok. Aurten Cecilia Frutadendak ez du talderik babestuko. 

Jubenil mailako taldeak, berriz, Bar Lasartek, lehia hasia du. Etxean jokatu zuen Antigua Luberriren aurka, 1-5 galduta. Igandean, Goierri izango du aurrez aurre etxean, baina kanpoko bezala jokatuko du. 
Elastikoetan beste aldaketa batzuk ere izan ditu Eguzkik. Izan ere, Trumoik ez du senior emakumeen taldearekin jarraituko, eta Garoa tabernak hartu dio lekukoa. Hain zuzen, Trintxerperen aurka lagunartekoa jokatuko dute asteburu honetan. Balerdi Harategia kadeteak, aldiz, Zarautzen aurka arituko dira, partida ez ofizialean horiek ere. 

Garoa taberna taldearen denboraldia itxaropentsua da. "20 bat jokalari daude, eta indartsu hasi dira lanean. Lehen lagunartekoan 0-9 irabazi zuten. Ikusi beharko da garapena. Lehen postuetan lehian egongo dira, baina lan zaila izango dute, Ordiziako taldea bigarren nazional mailatik jaitsi da eta".

 

ARGAZKIAK
blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
MAITE
Zorionak zure urtebetetzean, oso ondo pasa dezazula. Zure semeak eta senarrak bazkari on batera gonbidatuko zaituzte.
AZKEN PDFa
1444 ( Abenduak 14 )
GUARDIAKO FARMAZIAK
Orue ( Asteazkena)
Jaizkibel plaza 2
Tel: 943 362652
ASTEA
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Gandarias-Uribe ( Astelehena )
      Iñigo de Loyola 9
      943 019521
    • Gandarias-Uribe ( Asteartea )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48