Euria eta hotza izan dira igande goizean Lasarte-Orian, baina ez nahikoak korrika festa zapuzteko. Ia 800 pertsonek parte hartu dute urteroko hitzorduan, eta herriko kaleak jai giroan berotu dituzte. Goi mailako atletak ere erakarri ditu aurtengoan herri lasterketak. Lehia estu baten ostean gailendu da Aitor Etxeberria igeldotarra, 31:43ko denborarekin. Aratz Rodriguezek, ordea, ez du esprintean garaipena jokatu behar izan, bakar bakarrik gurutzatu baitu helmuga 36:46 minututan. Hemen irabazleei elkarrizketa.

Eguraldi iragarpen txarra emana zuten, hotza eta euria egin zezakeelakoan. Baina azkenean errespetatu du klimak, soilik tarteka egin baitu euri pixka bat. Aurreskua dantzatu eta irteera eman aurretik egin ditu tanta batzuk.

Lasterketaren argazki galeria ikus daiteke esteka honetan.

Edonola ere, errepidea bustita egoteak baldintzatu du patinatzaileen proba. Irristaka taldeak ezin izan du garaipena eskuratu, Bera-Berako Nicolas Alonso aurreratu baitzaie Tolosaldeako rollerrei; azken zuzenkian esprintean garaitu du Iñaki Zubillaga. Bego Huertasek, aldiz, nagusitasunez irabazi du proba. Igor Otaegi eta Naroa Salsamendi izan dira lehen herritarrak.

Azken rollerra atera eta bost minutura irten dira korrikalariak. Hasiera hasieratik erritmo bizia ezarri dute. Seiko talde bat nabarmendu da lehen kilometroetan: Aitor Etxebarria, Unai Arroyo, Aitor Amilibia, Kamel Ziani, Gonzalo Fuentes eta Raul Gomez Margallo herritarra. Etxebarria bera metro batzuk aldendu da hirugarren kilometroan, baina segituan harrapatu dute. Gomez Margallok ezin izan du hoberenen erritmoari eutsi, baina gertu jarraitu du buruko taldea. Seigarren helmugaratu da, 32:41eko denboran. Lehenengo herritarra izan da aurten ere.

Arroyo eta Ziani erritmoa bizitzen saiatu dira, jakitun baitziren Etxebarria haiek baino azkarragoa izango zela azken metroetan. Baina ez dute lortu. Seiehun metroren faltan erasoa jo, eta bakarrik iritsi da helmugara. Iaz hirugarren egin zuen igeldotarrak, baina gaur txapelera eraman du etxera.

Arroyo helmugaratu da bigarren. Iaz ere Michelingo zuzenkian galdu zuen txapela. Edonola ere, pozik azaldu da sari banaketara. “Bigarren eta laugarren postu batzuk baditut. Taldekideak irabazi du, beraz, kontentu nago. Beste urte batean izan beharko du; etortzen jarraituko dut”. Hirugarren Apalategi Kiroletako Aitor Amilibia izan da. Podiumeko hiru koskak zalpaldu ditu Donostiako taldeak.

Aratz Rodriguez hondarribiarra hasieratik erritmo bizia jarrita, lasterketa buruan jarri da hirugarren kilometroan. Erritmoari eutsi dio, bakar-bakarrik iristeko helmugara. Ane Zabala minutu batera iritsi da, eta Maialen Gurrutxagak lortu du hirugarren postua. Maite Salazar izan da lehen herritarra.

Bestalde, froga moduan ipar martxako 30 bat kide atera dira, bost kilometroko ibilbidea egiteko. Bukaerako metroak korrikalariekin batera egin dituzte, arazorik gabe. Balorazioa egin ostean erabakiko dute hurrengo urtean izen emateak irekitzearen inguruan.

Euskaraldiako hamaikakoak eraman du 1 zenbakidun dortsala, azaroaren 23tik abenduaren 1era egingo duten ariketa soziala bultzatzeko. Kide batzuk lasterketa osoa egin duten arren, eskertza moduan denak batera sartu dira bukaeran. Ohiko eskobak itxi du aurtengo Lasarte-Oria Bai! Kros Herrikoia.

ARGAZKIAK
BIDEOAK
blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • Igerilekua itxita larunbatea
    Igeriketa txapelketa dela eta, datorren larunbatean, urtarrilak 19, arratsaldez, Udal Igerilekua erabiltzaile ororentzat itxita egongo da. Udal kirol instalazioetako abonamendua dutenek Andoaingo Igerilekuak erabili ahal izango dituzte.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
ZORION AGURRAK
ARATZ
Zorionak txapeldun!! Primeran pasa zure egunean. 9 muxu haundi ama, aita eta Aiurren partetik.
AZKEN PDFa
1448 ( Urtarrilak 18 )
GUARDIAKO FARMAZIAK
Orue ( Ostirala)
Jaizkibel plaza 2
Tel: 943 362652
ASTEA
    • Lasa ( Larunbata )
      Kale Nagusia 42 atzea
      943 361774
    • Lasa ( Igandea )
      Kale Nagusia 42 atzea
      943 361774
    • Urbistondo ( Astelehena )
      San Frantzisko 1
      943 366567
    • Gandarias-Uribe ( Asteartea )
      IƱigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48