Maiatzaren 26a, literatur lehiaketara lanak aurkezteko azken eguna
Udalak jakitera eman ditu Lasarte-Oriako XXXI. Literatur Lehiaketako zein XXX. Haur eta Gazteen lehiaketetako parte-hartze oinarriak. Lanak bidaltzeko epea maiatzaren 26an bukatuko da. Sariak, berriz, azaroaren 25ean banatuko dira, larunbatarekin.

Urtero legez, Lasarte-Oriako Udalak literatur lehiaketetan parte hartzeko oinarri eta baldintzen berri eman du. Euskaraz zein gazteleraz idatzitako poesiak, ipuinak eta mikroipuinak sarituko ditu epaimahaiak. Idazlanek originalak izan beharko dute. Parte-hartzaileek maiatzaren 26rako aurkeztu beharko dituzte, beranduenez. Sari-banaketa azaroaren 25ean egingo da, larunbatarekin, Manuel Lekuona kultur etxean.

Interesa dutenek web orrialde honetan eskuratu ahalko dute informazio guztia.

Haur eta gazteak

Adinaren arabera hiru kategoria bereizi dituzte antolatzaileek: 2008. urtean edo beranduago jaio direnek 'A' delakoa osatuko dute; 2005 eta 2007 artean jaio ziren neska-mutilak Bn egongo dira, eta 2002tik 2004ra bitartean jaiotakoak Cn. A eta B kategorietako gaztetxoek ipuin sailean aurkeztuko dituzte lanak; Ckoek aukera bat baino gehiago edukiko dute: ipuinak edo poemak. Esan bezala, euskaraz edo gazteleraz idatzi ditzakete.

Ipuinek hiru orrikoak izan beharko dute gutxienez. Poemek, berriz, 60 bertso-lerrokoak. Ipuinen kategorian hiru sari emango ditu epaimahaiak: 1goak 150 euro irabaziko ditu, 2.ak 112 eta 3.ak 76.

Helduak

Lanak euskaraz zein gazteleraz aurkeztu ahalko dituzte parte hartzaileek; gaia librea izango da haientzat ere. Dena den, baldintza pare bat gehiago ere bete beharko dituzte: argitaratu gabeak eta originalak izan beharko dute idazlanek, eta beste lehiaketaren batera aurkeztu gabeak.

Poesia eta mikrokontakizunak dira helduen lehiaketako bi modalitateak. Poesien metrika eta luzera librea izango da; mikrokontakizunak, gehien jota, 1.500 karakterekoak.

Sariak espezialitateka banatu dituzte antolatzaileek. Poesiak idazten dituztenek honako sariak irabazi ahalko dituzte: euskaraz idatziak izan badira, 650 euro eta diploma; kopuru bera patrikaratuko du gaztelerazko 1go saria irabazten duenak. Mikrokontakizunen espezialitatekoek, euskaraz zein gaztelaniaz, 325 euro eta diploma irabaziko dituzte.

Haurrenean ez bezala, helduen kategorian 'Lasarte-Oria' sariak ere badaude: herrian erroldatutako idazleek irabazi ahalko dituzte horiek. Bi espezialitateko bakoitzean emango dute sari hori antolatzaileek, euskaraz zein gaztelaniaz. Diru kopurua arestian aipatutakoen berbera izango da: 650 poesien kasuan, eta 325 mikrokontakizunenean.

ARGAZKIAK
blog comments powered by Disqus
OHARRAK
  • Odol-ateratzearen egun aldaketa
    Lasarte-Oriako odol emaileen elkarteak ohartarazten du, hilabete honetan azken astelehena Eguberri eguna izanik, odol-ateratzeen eguna aurreratzen dela. Hilabete honetako hitzordua, beraz, abenduaren 22ean, ostirala izango da. Beti bezala Osasun Zentroan eman ahal izango da odola, 17:30etik 20:30era. Anima zaitezte, odola ordezkaezina da eta odol falta dago!
  • EHP sarreren salmenta eta taberna kudeatzeko gonbidapena
    Lasarte-Oriako Udalak herriko irabazi-asmorik gabeko elkarte eta entitateak (kirol-taldeak eta kultura-taldeak, elkarte solidarioak, etab.) abenduan Michelingo frontoian antolatu ohi den Eguberrietako Haurren Parkeko (EHP) sarreren salmentaren eta tabernaren kudeaketan parte hartzera gonbidatzen ditu. Hautatutako taldearen erantzukizuna izango da EHPko sarreraren kontrola bezala tabernaren kudeaketa ere EHPa irekita dagoen orduetan. Salmentarako sarrerak (helduek, euro batean) Gazteria, Festak eta Kirolak departamentutik emango dira zuzenean. Tabernaren kudeaketak haren horniketa eta ustiaketa inplikatuko du, eta lortutako irabaziak, berriz, hautatutako taldearentzat izango dira osorik. Oraingo honetan, aukera izango da sarreren kudeaketaz bakarrik arduratzeko. Laneko egunak 9 izango dira, eta Interesaturik dauden talde eta entitateek aldez aurretik justifikatu beharko dute hura kudeatzeko gaitasun eta pertsonal nahikoa badaukatela. Prozedura honako hau izango da: Deialdi irekia egingo zaie udalerriko talde eta entitate guztiei. Interesatuek eskaera bat aurkeztu beharko dute abenduaren 14a baino lehen udaletxeko erregistroan. Onartutako eskaera guztiekin lista bat egingo da, eta zozketa eginez zehaztuko da zeinek kudeatuko duen 2017ko Eguberrietako Haurren Parkea. Lortutako zerrenda hori datozen urteetan Eguberrietako Haurren Parkea zein taldek edo entitatek kudeatuko duen erabakitzeko erabiliko da, zerrenda horretan zenbatgarren dauden kontuan izanda.
  • Inauteriak prestatzeko bilera
    Datorren abenduaren 13an, 18:00etan, 2018ko Inauteriak prestatzeko bilera egingo da kultur etxean. Bertan parte izan nahi duten talde guztiak animatzen ditu udalak hurbiltzera
  • San Tomaseko postu eskaera
    San Tomas arratsaldean azoka egongo da Okendo plazan. Honetan Ttakunek jartzen duen talo postu eta txerriaz gain, azken urteetan herriko hainbat elkartek edo norbanakoek txistorra, salda, tortila edo gozokiak saltzen dituzte haien ekimenetarako dirua biltzeko. Azokan parte hartu nahi dutenek, abenduaren 18a baino lehen egin behar dute eskaera. Bi baldintza bete behar dira batetik eguneko giroan txertatzea, hau da, baserritarrez jantzia joan eta postua apaintzea eta bestetik, harrera euskaraz egitea. Postua eskatu nahi dutenek kultura@ttakun.eus-era mezua bidali behar dute.
Lasarte-Oria
Gaur ez dago ekitaldirik Lasarte-Orian.
ZORION AGURRAK
MAITANE
Zure haurtzaroa zurekin eramaten baduzu ez zara inoiz zahartuko. ZORIONAK!!!
AZKEN PDFa
1402 ( Abenduak 1 )
GUARDIAKO FARMAZIAK
Acha-Orbea ( Asteazkena)
Hipodromo etorbidea 6
Tel: 943 363549
ASTEA
    • Urbistondo ( Osteguna )
      San Frantzisko 1
      943 366567
    • Gandarias-Uribe ( Ostirala )
      IƱigo de Loyola 9
      943 019521
    • De Miguel ( Larunbata )
      Kale Nagusia 32
      943 371151
    • De Miguel ( Igandea )
      Kale Nagusia 32
      943 371151
    • Orue ( Astelehena )
      Jaizkibel plaza 2
      943 362652
    • De Miguel ( Asteartea )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48