Ia ordubeteko emanaldian, Deabru Beltzak talde bilbotarreko aktoreek opera abeslari baten ibilbidea eta gainbehera kontatu dituzte. Euskaraz, kolore eta argiekin jokatuz, haurren arreta bereganatu dute. Idoia Somoza sopranoaren ahots indartsuak eta Marta Galeguillosen pianoaren doinuek primeran lagundu diote Katrin Schlegel antzezlearen lanari.
Udaleko kultura, hezkuntza eta euskara sailak urtarrilean antolatutako azken antzerkia izan da, datozen hilabeteetarako gehiago aurreikusi dituzte.