Sanpedroak girotuko dituzten musika talde nagusien berri eman du udalak, gaur, prentsaurrean. Horrez gain, horiek erabakitzeko aurrera eramandako parte hartze prozesuan 137 iradokizun jaso dituztela ere jakinarazi du Gazteria saileko arduradun Txus Alonsok, eta, gaineratu, "horiek guztiak ikusi eta baloratu" dituztela

Hilabeteak daramatzate elkarrekin lanean Lasarte-Oriako Bizipoza taldeko eragileek eta herriko ikastetxeek. Tarte horretan jorratu dutena erakutsiko dute: adibidez, hezkuntza inklusiboari buruzko egitasmoa den Bizipoza Eskola nola hasi diren lantzen. Horren guztiaren berri emateko jaialdi bat antolatu dute hilaren 26rako eta norbanako, eragile nahiz erakunde oro gonbidatu dute parte hartzera.